بنات حابه اسال عن معهد الجزيره الي بين الجسرين
هل يعطون لطالب اعانه مادية طول فتره الدراسه ولا لا ؟
والي اعرفه ان الدراسه لمده 3 سنين
زين في حال جبت درجات مرتفعه في امتحان القبول فالانقليزي هل بيختصرون على الدراسه وبتصير سنتين بس؟
واقرى ان لازم من ضمن الاوراق المطلوبة لازم اجيب ال cv؟ صدق؟
زين وين اسويها؟
ولازم شهاده صحية؟ كيف اسويها و وين؟ وهل الي درسوا فالمعهد عطيتوهم هالشهاده؟
لا ولازم توقيع رساله عدم ممانعه من ولي الامر .. زين من وين اجيب هالرساله ؟ وبس اخلي ابوي يوقعها وخلاص ولا لازم اختمها ؟؟
اشوفها شروط معقده
سؤال هل يوفرون مواصلات؟ وهي على حساب الحكومه ولا لازم ندفع رسوم عليها؟
الا متى يبدى التسجيل؟
ومتى يبدى وينتهى الدوام؟
واخر سؤال هل كل شوي بيخلونا نطلع ندرب في اماكن العمل ؟ ولا بس اخر شهر او شهرين من السنه الدراسيه الاخيره؟
والكليه خاصه للنساء ولا في اقسام مختلطه؟
لا
والي اعرفه ان الدراسه لمده 3 سنين
زين في حال جبت درجات مرتفعه في امتحان القبول فالانقليزي هل بيختصرون على الدراسه وبتصير سنتين بس؟
صحيح اذا درجاتج مرتفعة في الانجليزي بيختصرون عليج وهاللي صار معاي..
لكن حالياً طالبين شروط يديدة حسب موقعهم :
خريجو المدارس الثانوية
■شهادة الثانوية العامة أو ما يعادلها مصدقة من وزارة التربية والتعليم
■على جميع الطلبة المواطنين الذين لا يعملون أن يسجلوا في قاعدة بيانات مجلس أبوظبي للتوطين
■على الطلبة المتقدمين الحصول على معدل 4.5 في امتحان الآيلتس IELTS الأكاديمي للتقدم لبرامج الدبلوم باللغة الإنجليزية، والحصول على ما لا يقل عن معدل 5.0 قبل انتهاء العام الدراسي الأول
■على الطلبة المتقدمين ممن يقل معدلهم عن 4.5 في امتحان الآيلتس IELTS الإلتحاق بالبرنامج التأسيسي
■أن لا يقل عمر المتقدم عن 17 عاماً
واقرى ان لازم من ضمن الاوراق المطلوبة لازم اجيب ال cv؟ صدق؟
زين وين اسويها؟
ما أتوقع هالشي صحيح .. لأن ضمن المواد إنهم بعلمونج CV
بالنسبة لنا ما كان مطلوب ..
ولازم شهاده صحية؟ كيف اسويها و وين؟ وهل الي درسوا فالمعهد عطيتوهم هالشهاده؟
لا .. ماعطيناهم أي شهادة صحية
لا ولازم توقيع رساله عدم ممانعه من ولي الامر .. زين من وين اجيب هالرساله ؟ وبس اخلي ابوي يوقعها وخلاص ولا لازم اختمها ؟؟
احنا طلبوا منا ان ولي الأمر يوقع .. يعني ايي وياج للمعهد ويوقع على ورقة عدم ممانعة ..ما احتاج أي ختم ..
ممكن تتصلين و تتأكدين لأن الشروط تتغير..
اشوفها شروط معقده
سؤال هل يوفرون مواصلات؟ وهي على حساب الحكومه ولا لازم ندفع رسوم عليها؟
هيه المواصلات مجانية لكل مناطق أبوظبي و ضواحيها ( الشامخة – بني ياس – الوثبة -…الخ)
الا متى يبدى التسجيل؟
ومتى يبدى وينتهى الدوام؟
ممكن تتصلين على المعهد أفضل
واخر سؤال هل كل شوي بيخلونا نطلع ندرب في اماكن العمل ؟ ولا بس اخر شهر او شهرين من السنه الدراسيه الاخيره؟
بس آخر شهر ونص من السنة الدراسية .. اللي هي الـ Work Placement
والكليه خاصه للنساء ولا في اقسام مختلطه؟
المعهد ينقسم لأثنين خاص للنساء وخاص للشباب .. بس مافيه أقسام مختلطة .. مجرد مدخل المعهد مشترك ..
و الأوقات تختلف .. بالنسبة لي درست في المعهد و ماصادف توقيت الدوام اننا ندخل أو نطلع مع الشباب أبد.. إلا توقيت الدوام المسائي ممكن يتصادف ..
عزيزتي أفضل تاخذين أجوبتج من المعهد نفسه
لأن القوانين تتغير كل فترة ..
أما بالنسبة للدراسة بشكل عام فهي روووعة^_^
هذي أرقام المعهد من موقعهم:
هاتف 025082700
هاتف 025082701
فاكس 025082711
الله يوفقج أختي
الله يسعدج دنيا واخره
ابد ما قصرتي مشكووره