السلام عليكم بنات
طبعا الموضوع باين من عنوانه…
رفيجتي عروس والصيف بتتزوج واهي مسكينه كله تستكي من الحبوب واثارها لا تقولون تقشير! لانها تخاف واغلبيه الي يسوون التقشير يقولون يرد الوي مثل اول واخس!!! وانا ودي اساعدها وابيكم انتو تساعدوني وما تردوني بليز!!
الغاليه هالسوالف مب لعبه حبوب واثارها هاي لازم تروح لطبيب جلديه ممتاز وهالشي ما بيروح في يوم وليله يباله شهور ولو هي عرسها قريب خليها تروح بسرعه والمشكله لها جذور مب حبوب على سطح الجلد يمكن في مشكله ثانيه مثل التكيس الي في المبايض ويمكن مجرد حب شباب عادي محد بيعرف علاجها غير طبيب مختص
انا ويا الاخت ناعمه …تروح الدكتور الجلدي احسن عشان يعرف شو سبب الحبوب
بس مايمنع انها تستخدم الماسكات الطبيعيه الي تسويها بروحها
لانها ماتضر وتساعد
البنيه راحت وسوت تقشير بالكرسال وما نفع لانها تقول سوت جلسه بس وخافت مع انه الاثار خفيف مو وايد تبين
والله يا اخواتي سالوني انا عن دكتور الجلدية والله اني سرت له
بس ولا شي فايدة.. وللحينه ويهي مثل ماهوه؟؟ حب + حب والله ويهي انا اخاف منه يوم اشوفه
بس احمد الله على كل حال ..
واذا شي طريقه انا بخبركم بس بعد يومين..
انا سمعت من اختي عن مقشر ماكسي بيل رقم 3 والفيتامين ماله وايد زين ويمدحنه يقشر الويه وطبعا يزيل الحبوب وحتى ييوم سرت اسوي فيشل قالت لي الفلبينية عنه وبالاخص رقم 3 لانه وايد يناسب البشرة ويبيض وبتلقنه في الصيدليات
انا بعد ادور عن اي وصفه او كريم يزيل آثار الجدري