السلام عليكم ورحمة الله وبركاته
طرحت هالموضوع لاستفيد منه انا وليستفيد منه غيري ..
انا طالبة جامعية وادرس بعيد عن هليه واردلهم اخر الاسبوع ..
ابويه كذلك يشتغل فمنطقة بعيده ويرد اخر الاسبوع .. امي تشتغل وتسوق .. ولما ترد من الشغل تخلص مشاوير اخواني وخواتي
من مستلزمات دراسية ومستشفيات وهوية وغيره انتو ادرى بالحال .. انا اكبر وحده فيهم والكبير الله ..
عندي اختين مراهقات فالثانوية .. ووحده فالجامعه بس وياهم فالبيت .. مش بعيد شراتي
الاختين هذيل كم مره مسكتهم يتواصلون فالنت مع شباب .. انا شفت المحادثة مافيها شي غلط
بس هذيل صغار وممكن يجرونهم الشباب بالكلام المعسول ..
اختي اللي فالجامعه اتي من الجامعه تعبانه وترقد .. خواتي لارقيب ولا حسيب .. الا يوم انا وابويه انكون فالبيت
ابويه ياخذ فوناتهم واللاب ويشوف ويفتش .. ومره حصل صورهم بدون شيل وسوا قانون فالبيت انه محد يتصور بدون شيلة
خايفه عليهم وماعرف شو الحل .. يلست وياهم وسويتلهم محاضرات .. تقربت منهم .. وهم واااايد يرتاحون يخبروني اسرارهم
اكثر من اختي اللي فالجامعه .. لاني ما اهزبهم شراتها .. لو هزبتهم بيخافون يخبروني شي .. عشان جي اخليهم يرمسون باللي فخاطرهم
وانصحهم بهدوء ..يت فتره شفتهم يستغلون طيبتي .. وعصبت واايد .. فجيت حرتي وقلت برايهم مابا اعرف اغلاطهم .. وصارو شوي يخافون مني
مرت فتره طويلة ماشفت عليهم شي بعد ماعصبت وهزبت .. بس خوفي انه ها الاحترام بس قدامي يوم اكون موجوده
اما ( لاغاب القطو العب يافار ) بالمختصر ابي احافظ عليهم حتى فغيابي .. شو الحل ؟!؟!
احبهم وايد ويهمني احافظ على عايلتي .. كلنا نحب بعض الحمدلله وماشي بينا مشاكل .. لكن لو صار شي لخواتي اخاف على امي وابوي وبالاخص ابوي .. الله يطول بعمارهم ان شاءالله
اختي خبريهن قصص تخوف من عاقبه هالامور الفي قصص من عندج
يعني مثلا وحده توفت و هي تسوي شات مع واحد كيف بتلقى ربها في هالوضع الخ الخ
و ان شاء الله البنات غيري يفيدونج
امج مسووله عليهن قدام الله وخلقه
والمروض تكون قريبه منهم
لان الدين هو اساس كل شي
اذا كان الدين اوكي ,, والله حياتنا بتصير اوكي
اولا يا اختي انا عندي قناعة ,, عفوا مب قناعة الا كلام ومتأكده منه 100%
لان مب انا اللي قلته ,, رب العالمين قاله في كتابه
الآية بما معناها .. ان الصلاة تنهى عن الفحشاااء و المنكر
يمكن خوااتج مب وايد اوكي في صلاتهم عسب جي ما عندهم شي اسمه ,,استحضار وجود الله.. عسب جي عاادي عندهم اذا غلطوا ,,
فنصيحتي لج ,, بما ان الحين اجاازة حاولي تصلين معاهم جماعة ,,كبداية
وعقب شجعيهم انهم يصلون ركعتين قيام الليل .. ويدعون ان الله يهيديهم ويساامحهم ..
يا اختي ذكريهمم بالمووووت
قوليلهم الموت يأتي فجأة ,,, في لحظة انتي ما تتوقعينها
شو تبين حالج يكون اذا متي ,, يرضيح تقابلين ربج بشي مب اوكي
يا اختي قوليلهم ,, لو انه احد الشيوخ اصدر قانون وقال اللي يخالفه راح اعذبه عذاب فظيييييييييييييييع و اعدمه واللي يطبقه بعطيه قصر وخدم وحشم
اكيييييييييييييييد محد راح يعصي الشيخ ,, فكيف تعصين ربج اللي قالج " ومن يطع الله ورسوله يدخله جناااااااااااااااااااااات تجري من تحتهها الانها ..
مب جنه ,, لا ,, جنااااااااااااااااااااااااااات
اذا كانت الدنيا تبهرنا ,, فما بالكم بالجنة ؟!!
اختي قوليلهم ان انتي مب دايمه لهم ,, اذا كنت بتمتنعون عن الشي المب اوكي عشااني ,,بليز لا تسوين جي ,,
قوليلهم انا اباكم ف الجنة .. واخاف عليكم من النار
اذا نار الدنيا تموت ,, فما باكم بنار الآخرة ,,نار جهنم
محد فهالدنيا يستااهل نرضيه على حساب رب العالمين
الله قال ..وان جاهداك على ان تشرك بي ما ليس لك به علم فلا تطعهما ,, وهذول منو ؟؟
هذول امج او ابوووج
فما بالكم بشخص لا تعرفينه ولا يعرفج ؟؟؟
ما عندي شي اقوله بعد
الله يهدي بناتنا ,, ويسامحهم ,,
فكرت اسوي جلسات دينيه ومسابقات وهدايا حلوه يحبونها
احببهم فالدين
مابي اقولهم عذاب جهنم والنار والموت <~احس هالشي مايحبونه
ولا انا احب اتذكر العذاب .. الكل يعرف يعرف العذاب ومعناه
لازم نذكر محاسن الاخره اكثر من عذاب الاخره
ونذكر بعض بالاعمال اللي نكسب من خلالها الاجر
لنسعى ونتسابق في عمل الخير وكسب الحسنات
مثلا انا وبنات من الاهل مسويين قروب فالواتساب
سوالف وضحك بس متفقات على انه كل وحده تمسك جزء من القران ونسوي ختمه
هالشي يزيد الحماس والتنافس .. لازم نحتوي بعضنا البعض
الانسان منه ومن نفسه مابيسوي شي
: