كيف تخففين الالم عن زوجج!! 2024.

السلام عليكم ورحمة الله وبركاته

بغيت اشاوركم بنات

زوجي صار له فترة عنده الام في الظهر

و كله ما ارمسه على التلفون يتويع وانا الصراحة ما اعرف شو اقوله

ولا كيف اخفف عنه وانا من داخلي احترق لانه اسمع تاوهاته

انتوا شو تسوون في هالحالات؟؟

شو سبب الألم
يعني لو بيرتاح بالتدليك دلكيله بزيت زيتون أو بكريم فكس من هيمالايا يريح خاص لأوجاع الجسم ووممكن تحطين على ظهره مطارة الماي إلي يحطون فيها الماي المغلي تخفف الأوجاع
ولو حسيتيه يتألم وإنتي ترمسينه بالتلفون إدعيله وهو يسمع قولي له الله يشفيك ويعافيك وطهور وزيدي عليها كلمتين حلوه

الله يشفيه

هذا الموضوع الأخت أم سيف إن شاء الله تستفيدين منه ولو تبين تتعلمين إشتري كتب من مكتبة جرير خاصه لتعليم المساج
https://www.uaewomen.net/showthread.php?t=23019

الله يعين ريلج
انا بعد .. الام الظهر عندي من سنين

شوفي الصورة اللي تحت .. انا دوم اطبقه و يخفف الالم وايد .. خاصة اول حركة يوم انا نايمه

ممكن بعد تقولين لريلج انه يوم يصلي .. يطول في السجود .. و يدعي .. لان ما شاء الله و سبحان الله السجود يخفف الام الظهر وايد .. فتخف عنه الألم شوي و بنفس الوقت يدعي

و اهم شئ انه ما يشيل اي شئ ثقيل .. و يبدا يسوي رياضة.. احسن شئ ال Yoga و السباحة .. تقوي عضلات الظهر .. و يوم يسوي اي من هاي الرياضات ياخذ مهله ما يستعيل

.. و يوم مثلا ظهره عوره يوم قاعد يتحرك و الا شئ على طول خليه يطيح على الارض على ظهره "شوي شوي" و يضم ركبه لصدره و ياخذ نفس طوووووووووووويل .. و ايوده قد ما يقدر و بعدين يطلع نفسه شوي شوي .. و خليه يسوي هذا الشئ لخمس دقايق .. وصح لازم يدخل نفسه من خشمه و يطلعه من حلجه

اما المساج صراحة ما انصح فيها وايد .. لانها مرات بدال لا تخف الالم … تزيده "عن تجربه"

اهم شي في ويع الظهر و التخفيف عنه هي طريقة التنفس ..

.. و الله يشفيه يا رب و يخفف عليه و علينا

ان شاء الله اكون افدتج و افدت اي وحدة فيها هاي الويع .. و اذا في اي سؤال .. لا تترددين .. على طول على الخاص

مشكوورات خواتي بس المشكلة انا ما اقدر ادلكه

لانه هو فبوظبي وانا في دبي

وبعدين انا مالجة بس وما دخل علي يعني ما اقدر اسوي شي

عشان جيه اسالكم ابغا كم كلمة حلوة اقولها له يوم يتصل عشان اعرف انه الكلمة الحلوة تريح