انا توني معرسه بكمل شهرين …
بغيت افكاركم الحلوه كيف تغيرن مووود ريلج وهو راجع من الدواااااااااااااام ؟!؟!؟!؟!
تعرفون بعد توني يديده في عااااااااااااااالم الحياة الزوجيه …
ربي يوفقكم ويا ازواجكم
وان شاء الله يرزق العزبيات بزووووج صالح
وياااارب هالشهر احمل وجميع خواتي المحرومات من الذريه
انا بعد مب من زمان معرسه من 7 شهور 
ممم مثلا يوم يرد خلي كل شي جاهز الحمام والحجره واذا هو من النوع اللي يرد يرقد
استقبليه بابتساامه ابدا لا تشكيله همومج او لا تفتحيله موضوع هالوقت الا اذااا هو فتحه
وقوليله كلمتين حلوات ويوم بيي يرقد طيحي عداله رقديه ومن هالحركات
بس لا تثقلين بالحركات عشان ما يقول هاي متفيجه ههههه
يعني جي اهم شي تستقبلينه بابتسامه وما تتشكين في هالوقت لوول
وان شاءالله الباقيات يفيدونج
انا بعدني عزابيه بس بحاول اعطيج افكار يمكن تساعدج من اللي اسمعه في المحاضرات الدينيه في اسعاد الزوج
قبل لا يرد بخري البيت بالدخون وعطريه عشان تثبت الريحه وطبعا تكونين مزهبه ثيابه مدخنه ومعطره وحركه حلوه لو ان تزهبين له كوب عصير فرش (بعد رمضان طبعا) او شاهي اخضر بالنعناع عشان تهدى اعصابه
استقبال الزوج بابتسامه يريح قلبه وخاطره وينسيه همومه ويعدل مزاج وحبه ع الراس تزيد من انبهاره فيج
حاولي ماتخلين عينه اطيح على شي مايعيبه يعني مثلا شي مب في مكانه او طايح لان ينرفز وايد هالشي الريال
طبعا ماتنسين تكونين متزهبه من مكياج سمبل لو ان الحجال والقلوس يكفي وحركه بسيطه للشعر والعطر وثياب سمبل بس مغريه
السموحه ها اللي عندي لاني مسطله ومصدعه خخخخخ
وربي يسعدج غناتي ويرزقج الذريه الصاااااااااااااااالحه
انا ريلي يرد مزاجه ضارب وتعبان ودووم مكسر من التمارين
وحتا لو رقد ينش متكسر
ف لازم يتعكر مزاجه لان بعد وراه تمرين ><
غربلاتها من كوره غربلتنا والله
وهو يقهر من النوع الي مايحب يرمس
اذا اضايق اتم انا وحليلي احاتي
<< قلت قصه حياتي
يالله امااات الخبره علمووناا
ويووووفقج ويا ريلج
اهم الشي الراحه والنظافه
واذا عندج اى موضوع تبين تناقشيه فيه لالا تكلميه ابد
الا لما يتغدى ويريح ويغير ملابسه ويرقد
وبعدهاا تكون الامور طيبه يعنى المود معدل ^_^
وكلمه حلووووه >> مثلآ اول مايدش بوسه ع الراس ويعطيك العآآآآآفيه حبيبي
البيت يكون نظييييييييف ويلمع وهالله هالله بريحة العود والدخووووون >> تراها تلعب دوووووور
الحمآم يكون زآآآهب + العده >> فوطه + الصآبون والشآمبو + ورود ريحتها غآويه امنثره + المعطر الفوآآآح ,,,
علقي الثيآب النظيفه اللي بيلبسها >> اتكون امدخنه وامعطرررررره
اذا من النوع مايحلق يصلي فالدوآم >> زهبيله السيآآآآآآده << واكيد اتكون امعطرررررره وتفتح النفس الوآحد يصلي بخشوع
في هالوقت زهبي الغدآآآآآ
زبدة الموضوع
كل شي يكون زآهب قبل لايطلبه او يدور عليه
لأنج مابتعرفين كيف كان موده فالدوآآآآآآم ،، هل مضآيج او انكرررف من الخآآآآآآآطر
ولا اتفآآآآآآآتحينه بأي موضوع يمكن يرفع ضغطــــــه
لأنه موووووول مايكون وقته
واذا من النوع يقرا جريده عقب الغدآ
زهبيها له + جآي
واخيرآ الشبررررررريه
اتكون جآآآآآآآآآآآآآآآآهزه للانسدآآآآآآح والرقآد
وبسسسسسسسس تقريبآ هاي الاشياا الاسآسيه
وربي يووووووفج كل المتزوجآآآآآت