عندنا شخص يبا يستقيل من التربيه لقى شغل ثاني الحمدلله …
بس كل ربعه نصحوهـ يطنش التربيه ولا يداوم لين يي قرار توقيفه …
لأنهم قالوله الاجراءاات وايد تطول والتربيه ماتقبل استقاله المواطنين بسهوله ..
بس انا مب مقتنعه بهالفكرهـ احس لو تمشي الامور بشكل رسمي احسن …
واعتقد لو اوقفوه من العمل بسبب الغياب ماظن يعطونه مكافأه نهاية خدمه …
.
.
هل صحيح الاجراءات تطوّل ؟!
وشو اللي مفروض يسويه ؟
لأن السالفة فيها خصم من مكافاة الخدمة وعقوبة عن الانقطاع عن العمل
إضافة إلى انه اذا تم فصله فسيكتب في ملفه بديوان الموظفين انه تم فصله بسبب الانقطاع عن العمل
وهذي مو حلوة بحقه لأنه إذا بيتوظف بالحكومة مرة ثانية راح ياخذون منه موقف و تصير بصمة سوده بملفه
و يمكن ما يوظفونه
احسن شي انه يروح لمديره المباشر و يطلب الاستقالة
و بمجرد موافقته تبدأ الإجراءات الرسمية
بعد تقديمه الاستقاله يمكنه الغياب
و لكن لابد ان يضمن انه خلاص تمت الموافقة
والله يوفقه
نصيحتي اذا خبرته سنة او سنتين خله ينقطع عن العمل هذا اذا ضامن الوظيفة اليديدة مليون بالمية لان المكافأة مب لين هناك
اما اذا اكثر فاذا انقطع سيفصل صح بس بينزلوله مكافأته بعد ما يخصموون منه تقريبا 10% وبطول اجراءات صرف المكافأة
في حد يصل وظيفة سنعة برا ويتم في التربية
عني انا من سنتين رحت بشهر 11 وفريت الاستقالة فويههم وسرت بيتنا على طول ونمت وكبرت المخدة ولا داومت ولا شي واتصلوا فيني من دبي وقلت لهم مااباااااااااااااكم بسني لاعت جبدي من التخلف اللي فالتربية
وعادي نزلت لي نهاية الخدمة عقب كمن شهر
مراايــم حرام اختج تستقيل عقب كل هالمدة .. باجي لها 4 سنين وتفتك منهم خل تتحمل ولو اني والله أدري صعبة بس حرااام 16 سنة يضيعون عقب الهم والتعب اللي عانته في التربية
والسموحة
بس بصراحة انا استغرب جدا من التجني على التربية انا اشتغلت 12 سنه مدرسة و4 سنوات مساعدة مديرة وبدون مبالغة ما شفت من التربية الا كل خير الدوام المناسب والتدريب المستمر والسعي لتطوير مهاراتنا نحن كادر التربية ومحد ينكر الجهد اللي يبذل من قبل التوجيه لرفع مستوى المعلميين والاداريين والاجازات والنظام المتساهل نوعا ما مقارنة بالوزات والمؤسسات الاخرى والدليل وللاسف ان الكثير من المعلمين والمعلمات استغل ها الامر بشكل سلبي في الغياب والتسيب .
بصراحة انا استغرب يوم اسمع حد يقول انا شو حصلت من ورا التربية ومبالغة الناس في وصف طبيعة الشغل التربوي بأنها اصعب مهمة انا بسأل اي وحده من من يشتكي من التدريس التدريس ارحم ولا الشرطي اللي واقف ينظم حركة السير في الحر والموت او المطر ولا الممرضة اللي تناوب ولا الموظفة الي يالسه على مكتب مختلط مع رجال ولا على كاونتر كونوا واقعيين ترا هذه وظيفة الانبياء والله لو يصحلي ارجع واقف امام طالباتي الغاليات بوقف يمكن في يوم من الايام تذمرت مثلكم وخصوصا في سنوات عملي الاولى اما الان فأنا اغبط كل وحده تصبح الصبح شاله كتبها وتوقف جدام طالباتها تقرا وياهم ادعية الصباح كما كنت افعل في بداية الحصة او ادارية تنقذ طالبة من الوقوع في مشكلة (( حرام ان العبرة خنقتني وعيني دمعت )) اتقوا الله ياورثة الانبياء انتوا في نعمة عظيمة بس والله مب حاسين فيها بس ينبغي منكم استشعار الاخلاص لله وجعل كل تعب في التربية في سبيل الله الله يحفظكم يا معلمات .