كيف كانت معاملة ريلج في فترة الحمل؟؟!! 2024.

مرحبا يا متزوجات

اشحالكن عساكن بخير؟؟

اليوم بغيت اطرح موظوع واللي هو:كيف كانت معاملة ريلج في فترة الحمل؟

يعني هل كان يراعي الحالة النفسية لج ؟اكيد في بعظ الحريم في فترة الحمل اتكون عصبية لدرجة كبيرة وما تتحمل الكلمة من ريلها او من اي احد

ف شو كان ردة فعل ريلج في هالحالات
هل كانت اتصير بينكم مشاكل؟ او انه كان يتفهم وظعج وما يثير عصبيتج واايد ؟او هل انه كان يطنش؟

من جهة ثانية :
في اغلب الحالات شكل الحرمة في فترة الحمل يتغير يعني ويهها وجسمها ينتفخ مب مثل قبل الحمل

كيف كان شعور ريلج :هل كان يعلق عليج ؟يعني يقولج انج اتفختي او خشمج انتفخ ويعني من هالتعليقات

من جهة ثالثة:
في فترة الحمل:كيف كانت طلعاتكم ويا بعظ ؟

هل قلت والا زادت والا مثل ما هي؟؟!

يعني يمكن لانج حامل ما صار لج خاطر حواطة وطلعات مثل قبل

هل ريلج كان يحب يطلع وياج في فترة الحمل والا كان يحب يطلع بروحه اقصد ويا ربعه اتكون طلعاته اكثر؟

بعده رب العباد ما رزقني

حبيت ارفع موضوعج ^_^

اب اب

خلووني أعرس أول عقب بخبرج ,,

احس كل الملقوفات يدشن قبل المعرسااات ,,, وانا منهم طبعا لووول

وااايد حلووو الموضووع ذكرتيني بايااام حلوووووه من كثر ماهي حلوه خاطري احمل مره ثانيه بس حرام عيالي صغااار ^_^

كيف كانت معاملة ريلج في فترة الحمل؟
سمنه على عسل … فديته معاملته دوووم سمنه على عسل بس طبعا فترة الحمل يحااسب ع كل شي لازم اتغدا واتعشا طبعا ماتريق لاني ارررررررررررررررررررررقد لييييييييييين الظهر والدوا ع وقته ولازم ايي ويايه في كل المراجعااات مااافوت ولا مراجعة ماشاء الله عليه هاييل بعد عياله مب بس عيالي انا … حتى اني في الشهور الاخيرة عطوني حديد في الوريد كان يوديني كل يوم من ام قيوين لدبي عشان الحديد وايتم ويايه واييبلي اكل اونه عشان اعوض الحديد

يعني هل كان يراعي الحالة النفسية لج ؟اكيد في بعظ الحريم في فترة الحمل اتكون عصبية لدرجة كبيرة وما تتحمل الكلمة من ريلها او من اي احد
امممم انا حالتي النفسيه ماتغيرت ابدا… يعني نفس الشي ماحيد عمري كنت عصبية

ف شو كان ردة فعل ريلج في هالحالات
هل كانت اتصير بينكم مشاكل؟ او انه كان يتفهم وظعج وما يثير عصبيتج واايد ؟او هل انه كان يطنش؟
مثل ماقلت الحاله ماتغيرت

في اغلب الحالات شكل الحرمة في فترة الحمل يتغير يعني ويهها وجسمها ينتفخ مب مثل قبل الحمل
بالعكس كااان واايد عايبنه شكلي خاصة اني ضعيفة ماصدق اني متنت شوي ^_^ حتى كرووشتي كان يحب شكلها

كيف كان شعور ريلج :هل كان يعلق عليج ؟يعني يقولج انج اتفختي او خشمج انتفخ ويعني من هالتعليقات
المسكييين وحليله عمره ماعلق على شكلي…

من جهة ثالثة:
في فترة الحمل:كيف كانت طلعاتكم ويا بعظ ؟
امممممم ريلي يداوم اسبوعين وايأجز اسبوعين… ويوم ينزل اجازة كان عندي 24 ساااعه حتى الكل قال انه واايد متغير ماقام يطلع نفس اول … وكل يوووووووم انا سايرة السووق… ونيلس اندور ع محلات اليهال ونختار العربانات حق عيالنا والمنزات وكل شي…. حتى خططنا اي مدرسة بيدرسوون !!!

هل قلت والا زادت والا مثل ما هي؟؟!
قبل الحمل كنا نطلع وعقب الحمل يعني نفس الشي

هل ريلج كان يحب يطلع وياج في فترة الحمل والا كان يحب يطلع بروحه اقصد ويا ربعه اتكون طلعاته اكثر؟
كنت اسير وياه كل مكاااااااان حتى الصناعية بس عقب الولادة ماقمت اسير الصناعية ^_^