كيكة التمر 2024.

ممكن طريقة كيكة التمر مع الصورواايد سمعت عنها انها حلوة

حاضرين اختي أنا بعطيج طريقتي وكل اللي ذاقها تعجبه وياخذ الطريقة
كيكة التمر:
كوبين تمر نمزر كوبين وما نرصهم انفر فيه الحبات بعد ازاله النوى حتى ينترس الكوب (سامحيني على التعبير بس حاولي اتجمعين)
كوب ماي مغلي
ملعقة طعام بكربونات الصوديوم
هاي المقادير كلها انحطها في خلاط الكاس ونخلطهم بيذوب التمر بسرعة
انخليها على جنب في الخلاط
الخطوة الثانية:
4بيضات +فانليا نضربهم بالخلاط الكهرباني الين ينفش البيض ويزيد حجمه
ثم نضيف عليها نص كوب سكر ونصف كوب زبده ثم نضيف كوب الطحين المخلوط مع ملعقة كبيرة بكنغ باودر وبعد ان تمتززج نضيف التمر الباقية اللي في الكاس وتخلط ثم تخبز في الفرن وبعد ان تنضج وهي ساخنه يصب عليها التوفو
و ياليت فهمتي الطريقة
بس للأسف ماعندي صوره

مشكورة أختي

يسلموووو ختية

شو هو التوفو الي ينحط على كيكة التمر
انا احط جام م>وب شوي مع ماي دافي

هلا اختي هالطريقه خذتها من بنت قطر من منتدي عالم حواء وجربتها وايد حلوه::22 (5):

كوب تمر مقطع قطع صغيره
كوب ماء حار
125غ زبده (زياده شوي على 113)
كوب سكر
بيضه
1 1/2 كوب طحين
1/2 كوب جوز مقطع (عين الجمل )
1 م ص ملح
1 م ص بيكربونات الصودا
1 م ص بيكنج باودر

للتزيين
2 م ك سكر بني
2 م ك قشطه
قطعه صغيره زبده (مربع واحد من مربعات الصغيره )

طريقتها سهله وايد

انقعي التمر بالماي الحار وخليه يبرد شوي

اخلطي الزبده وضيفي عليها السكر بعدها ضيفي البيض والفانيلا

انخلي المقادير الجافه ( الطحين والملح ول B.p, b.o.s, والملح ) وضيفيهم على خليط الزبده

ضيفي منقوع التمر

وبعدها ضيفي الجوز

دخليها الفرن لمده ساعه او ساعه وربع على درجه حراره 180

التزيين
اخلطي المقادير كلها على النار

وصبيها على الكيكه وهي حاره