كيكة التمــر بالصوص وكيكة محشيه بالجبن وبسكويت أولكـر (بالصــور 2024.

اللهم صلي وسلم على سيدنا محمد..عليه الصلاة والسلام..

نزلت قبل كيكه محشيه بالشعيريه..وطرشت حق ربيعتي..تقولي والله أنش من الرقاد آكل قطعه وأرد أرقد..ويوم خلصت قالتلي اسمحيلي بس اباج تسويلي..عاد قلت ها المره ببدع فيها شوي..

سويتها محشيه بالشعيريه..وبسكويت الجاي..وطبقة جبـن فيلادلفيا وقشطه وشوية نوتيلا وناريل..

أول شي سويت الكيك الجاهز..وطبعا الكل يعرف طريقته..وفتحت الكيكه من النص..خليتها طبقتين..وطبقه صفيت عليها بسكوت الجاي عقب ما غمسته في حليب ساخن..

عقب حطيت عليه الخلطه الي ذكرتها فوق..

عقب رديت حطيت طبقة بسكويت..

وعقب حطيت الشعيريه الي الكل يعرف طريقتها طبعا..

عقب حطيت الطبقه الي كنت مخليتنها ع صوب..

شوفو كيف من ع صوب..

عقب حطيت القشطه والنوتيلا والناريل الي مخليتنهم ع صوب عشان احطهم ع الويه..وحطيتهم ع الكيكه من فوق..

وها شكلها النهائي عقب ما رشيت عليها ها الي مادري شسمه..أنا ما أحب ها السوالف بس لأن ربيعتي عندها بنت ووايد تحب الكيك قلت بحط عشانها..

وهاي كيكة التمـر..أول مره اسويها..بس والله عذاب أحلى عن الكيكه الأولى..وأنصحكن لازم تسون وياها الصوص وايد يحليلها..ريحتها بروحها كم تسوا..

وما يحلون الا بالعصــير طبعااااا..^_^

بس ماخبرتينا عن مقادير كيكة التمر

المشاركة الأصلية كتبت بواسطة سمكة الحب

ماشاءالله عليج

بس ماخبرتينا عن مقادير كيكة التمر

ان شاءالله حبيبتي بحطها..

نـورتـي..^_^

المشاركة الأصلية كتبت بواسطة رعبـوبة

ماشي صور

حاولي مره ثانيه فديتج..