شحالكم؟
سويت امس كيكة سويسرول طبقتها من منتدى ثاني ولله الحمد ضبطت من أول مره وإن شاء الله راح اسويها لاول رمضان .. طولناها وهي قصيره .. ياللع نبدا
المقادير :
* 5 بيضات مفصولين البياض عن الصفار
* 1 كاس طحين
* 1 كاس سكر بودر
* 6 ملاعق ماء دااااافي
* الورق المشمع مهم وضروري
* ملعقة صغيره خل
* ملعقه صغيره فانيلا بودره
++++++++++++
الطريقه:
الخطوه الأولى :
* افصلي الصفار عن البياض
* اخلطي بالخلاط الكيك الكهربائي الصفار مع الخل والفانيلا جيدا حتى يصير لونه فاتح
* ضيفي عليه السكر واخفقي جيدا
* اضيفي الماء واخفقي
* بالاخير اضيفي الطحييين واخفقي جيدا
الخطوه الثانيه:
* اخفقي البياض جيدا حتى يبيض ويصبح مثل الكريمه
* اسكبيه على خليط الصفار واخلطيهم بملعقة الخشب حتى يتجانس
* ادهني قالب السويسرول … ثم ضعي عليه الورق المشمع وادهنيه ايضا
* ثم اسكبي الخليط فيه ودخليها الفرن على درجة 170 لمدة عشر دقايق او ربع ساعه … (تراها بسرعه تنطبخ)
* افرشي الورق المشمع على الطاوله وانثري عليه اشوي سكربودره … ولما اطلعين الكيكه من الفرن اقلبيها على الورقه اللي على الطاوله …. انزعي الورق المشمع من عليها … ثم ادهنيها بالمربى…. او بالكريمه أو الشوكلاته و الفواكه الطازجه
* لفيها مثل الرول ووبعدها لفيها بالورق وحطيها بالثلاجه حتى تبرد تماما
وهنا و عافيه
موفقه الغلا
ثاني , وكله في بالي انها صعبه , ويبالها شغله ,بس طلعت
بسيطه ,, هذا كلام بس , ما يندرى عن التطبيق عاد !!!,,
نتريا يديدج غناتي,
المشاركة الأصلية كتبت بواسطة الرحاله 
موفقه الغلا
العفو
والتوفيق للجميع .. آمين
المشاركة الأصلية كتبت بواسطة دبيّه ثاني , وكله في بالي انها صعبه , ويبالها شغله ,بس طلعت
بسيطه ,, هذا كلام بس , ما يندرى عن التطبيق عاد !!!,,
نتريا يديدج غناتي,
بصراحه مافي أسهل منها خذت مني بالكثير بس ساعه وحده .. بس إنتي جهزي بالأول الحشوه قبل ما تبدي فالكيكه
وبالتوفيج
إنتي شو حشيتيها شكلها فيها مربى فراولة شي زيادة فيها مثل الكريمة ؟؟؟؟؟؟؟؟؟