اتركم مع المقادير والصور واتمنى تنال اعجابكم ……………
المقادير :
الكيك الجاهز انا اخترت هالنوعين
ألوان الصبغ الخاصه بالسويت
كريمة مكتوب طبعا الكل يعرفها +أدوات التزين
نبدا في الشرح جهزت الكيكتين على الطريقة الي خلف الكيس وبديت اقسم الكيكتين كل وحده الا ثلاث اقسام عشان الونها كما في الصوره
وبديت اجهز صياني الفرن وحطيت عليها ورق الزبده المعروف وبعدين بديت اسكب كل لون في صينيه لحله طبعا الفرن شغلته على درجة 180 وبس من تحت لانها طبقات رقيقه وراح تنضج بربع ساعه ماراح اطول اكثر بس يعتمد على حرارة الفرن ولكم الشكل يبن……..
وهذي الصوره بعد ما جهز الكيك كله
تركته يبرد ومن عقب جهزت الكريمه وطبعا كريمت مكتوب في خلال 9او10دقايق تجهز من دون اي اضافاة بس ضرب بالمكينه خليت نص الكريمه بيضاء ونصها صبغتها برتقالي ……..
بديت اصف الطبقات على بعض مع وضع القليل من الكريمه بينهم عشان تلصق كل طبقه في الثانيه
بعدها غطيت الطبقات كلها بكريمه بيضاء وبديت التزين بدوات التزين اخترت شكل الورد عشان يكون مميز ……………
ورشية عليها بعض حلاوة التزين ……… وهذا الشكل النهائي……………….
اتمنى تنال اعجابكم ولا تنسونا من دعواتكم الطيبه ………………
رووووعه
يعطيييج العاافيه وتسللم ايديج
وفي انتظاار يديدج
ماشاء الله عليج ابدعتي
في انتظار يديدج
خاطري اتعلم هالسوالف
يعطيييج العافيه
فديتج تسلم ايييييييدينج منتظرين يديدج