كيكة الثلاث ألوان هي كيكة ممكن نستخدم في اعداد اي طريقة معتمدة أو حتى خليط الكيك الجاهز شرط نخلي قوامها غليظ وما نستخدم كل مقدار الماي
هذا الشكل النهائي للكيك بعد التقطيع لتوضيح الفكرة الي بنستعرضها اليوم
بإسم الله نبدأ الطريقة :
أي كيكة معتمدة عندج .وراح نحتاج 3ألوان مختلفة من الكيك
أنا اخترت (اللون الوردي – و الابيض – والشوكلاتة البني)
هذا خليط البنك ضفت اللون على خليط الكيك .
ولازم يكون خليط الكيك غليظ بهذي الصور
وهذيلا الثلاثي المرح جاهزين
راح نحتاج صينية مدهونة بالزيت ومرشوشة بشكل جيد بالدقيق . نبدأ نحط من الألوان الثلاثة لخليط الكيك ملعقة ملعقة حذال بعض بهذي الصورة
ونكمل بنفس الطريقة ملعقة من كل لون حذال بعض
جذي أول طبقة خلصت وهذا شكلها
بعدين نرجع نكرر نفس الفكرة مرة ثانية ونحاول كل لونين نحط فوقهم اللون الثالث . الشرح والصورة كثيرة لكن الفكرة بسيطة جدا .أترككم مع الصور علشان لتوضيح الفكرة أكثر وأكثر ^_^
هذي الصينية خلصت وهذا شكلها النهائي الفكرة بعدين اني كل قطعة كيك يكون فيها دائرة من كل لون
لكن بدون ما ندمج الألوان بالسكين او العود الخشبي مثل ما نسوي في الكيك الماربل المتداخل الخطوط
وهني صورة أقرب للشكل الكيك .
طريقة الخبز العادية للكيك :
2- نحط صينية الكيك على الرف الأوسط في الفرن ونخلي الحرارة عالية لمدة ربع ساعة
3- نوطي النار ونخلي الحرارة وسط لمدة 20-25 ونتأكد من نضج الكيكة
4- نحمرها من فوق (لكن لو كانت طريقة الخبز صحيح 100% بتحمر بروحها من فوق^_^)
وهذا شكلها بعد الخبز واول ما طلعت من الفرن
وهذا شكلها . وايد حلوة وتغنيج عن التزين لاني زينتها منها فيها ^_^
وهذي صور توضح شكل الكيكة من الجوانب .
نتأكد اني الكيكة باردة وهذا شكلها بعد التقطيع
هني صوره أقرب وأوضح
شكلها في طبق التقديم النهائي
اتفضلو حياكم كل قطعة شكلها غير عن القطعة الثانية ^_^
شكلها لذيييييييييذ
ربي يعطيج العافيه ^^