كيك بالجوكليت محشي بالبسكويت والكورن فليكس 2024.

السلام عليكم ورحمة الله وبركاااته..

من العنوان بيـن طبعا…

بحطلكم الخطوات..(( ترا في العضـوه "مرحباني" عذبتني خلتني أقوم الساعه 3 الفير وأسوي يوم أشوف سويتها تبارك الرحمن ما شاءالله عليها..))

هاي المكـونات..اسمحولي بس ها الصوره بحطها كبيره لأن ما أعرف أحط بس يا تكون كبيره أو صغيره..بس بس ها الصوره عشان تبين المكونات..

هني خلط المكونات مع بعض..(الزيت+ البيض+ الماي+الناريل..

وهنـي بعد ما خلطه عدل..ضفت جيس صغير حبيبات ام اند امز..

وصورت يوم أحط البسكويت والكورن فليكس بس ما حصلت الصور والله..شوفي البسكويت الأحمر الي فاول صوره خذت منه حبه وحطيت نص الخليط في صينية الفرن وفتت الحبه وفتت شوية كورن فليكس قد قبضة الإيد..وحطيت ناريل وصبيت باجي الخليط..وحطيت ع الويه ناريل..

حق التزيين..يبت جبن فيلادلفيا..ونوتيلا وناريل وفراوله..وفستق مبشور

عقب يبت طاس وخلط فيه خاشوقة فيلادلفيا وخاشوقتين كبار نوتيلا وناريل..ودهنت فيه الكيكه من فوق وع اليوانب شوي..وحطيت فراوله..ورشيت فستق مبشور ع الويه..

من داخل يا بنات لع فيها شي مقرمش يعني يوم تاكلين تحسين بطعم شي مقرمش+ ان الكيكه تكون لينه وطريه..صراحه طلعت وايد حلوه أنصحكن تجربن..سويتها مع جاي كرك..وااو صراحه تمنين ريلي يكون واعي..

وسلاااامتكـن..

وأدعولي يكون فيني ولـد أن شاءالله..

وربي يعطي كل محرومه..

تسلم ايدج حبيبتي

يمي يميييي

عاد لوو جي بخبلج دووم ان شاء الله تسووين

فدييتج

نااااايس والله تسلم ايدج الحلوه

ماشاء الله علييج

وان شاء الله الله يرزق بولد سالماا معافاا

تسلم ايدج

شكلها حلووو
تسلم أيدج

تسلم أيدج فنتك

يسلموووووووووووووووووووا