هذا رابط موضوعي السابق
https://forum.uaewomen.net/showthread.php?t=842282
سرت مستشفى الوصل تاريخ 1912 يوم الاحد كان عندي موعد مراجعه للدكتورة عشان الالم الي في خاصرتي وشافت صور السونار الي كانوا مسوينها لي يوم الاربعاء وقالت لي مافي اي شي في الرحم وطبعا انا خبرتها ان الدورة ما ياتني هذا الشهر وسويت فحص الدم يوم الاربعاء وطلع موجب…. فقالت لي تعالي اسوي لج السونار المهبلي عشان نشوف الحمل ولما سوت لي السونار قالت مو مبين اي شي عندي 
فقلت لها كيف يعني …قالت لي يمكن عندج حمل خارج الرحم … قالت لي سيري المختبر وسوي فحص الدم سرت وسويته ورجعت لها فقالت لي نسبة هرمون الحمل 400
وعطتني موعد اليوم وسرت اراجعهم لما سرت ودوني جناح رقم واحد في قسم فحص الحمل الاولي ودخلت عند الدكتورة وقالت لي نفس الكلام بعد ماشيكت بالسونار مو مبين اي شي ونتجية فحص الدم الي اليوم سويتها طلعت نسبة الهرمون 800 … قالتي لي الدكتورة بعدج صبري عشرة ايام علشان نتاكد انه الحمل مش خارج الرحم لانه الهرمون قاعد يزيد وانشاء الله يصير خير
الرقاد ومو قادرة ارقد واحاتي وايد بسبت ها المشكلة مو قادرين يعرفو اذا حمل داخل او خارج الرحم لانه مايبين عندهم اي شي…. وعلى فكرة تاريخ اخر دورة كان 1012 وعمر الحمل 5 اسابيع
يارب سترك وعفوك يارب … يارب تمم لي حملي على خير….. يارب وارزقني الذرية الصالحه يارب
خواتي ابغى دعواتكم الصادقه لي انه يتمم حملي والي عندها اي خلفية او تجربه مرت في لحمل خارج الرحم وبين انه داخل لاتبخل علي
المشاركة الأصلية كتبت بواسطة eimankh 
مشكورة الغلا
المشاركة الأصلية كتبت بواسطة زوجة يعقوب مشكورة حبيبتي