حبيباتي هذا موضوعي الاول عن حياتي من بداية https://forum.uaewomen.net/showthread.php?t=914933
و الحين بقولكم شو صار معاي لين يومكم هذا…
صارت بينا وايد كلام بالمسجات انه خلاص لازم يتعالج و يسوي شي لاني مو قادرة اتحمل و سبحان الله كنت مشغولة مع عمتي الي يايه من خارج البلاد طرشلي مسج و قالي ان المطوع بيي يقرا عليه استانست و بنفس الوقت ايدي ع قلبي حسيت بيصير شي و بالفعل، الشيخ وصل عنده س9 و تم لين جريب أذان الظهر طرشلي مسج وقالي الخبر الي ما توقعته في يوم من الايام قالي ان الشيخ قاله عنده المس العشق وحدة داخله فيه تحبه و تعشقه "لا حول ولا قوة" وهي يهودية و اسلمت و سمت نفسها مريم و سبحان الله كنت حلمانة قبله بالفترة أني كنت في حالة كنت وايد ارتجف وكانوا اخواته يقولون حق بعض اقري سورة مريم….. بنات من اول ما سمعت الخبر تمنيت الموت ما ادري ليش المفروض افرح ان في السبب بس خوفي زاد وايد و الجنية تكلمت و الشيخ كهرب ريلي عشان تتكلم وبعدين طلب الشيخ من ريلي أني اكلمه كلمت الشيخ و قالي ان حالة ريلي صعبة لان هي فيه قبل ما نعرس بثلاث سنوات تخيلوا؟؟؟الحين يعني 6 سنوات وهي فيه "حسبي الله عليها" وقالي الشيخ ان ريلي مو حاس بنفسه و ها الشي مو بيده…..
تميت أصيح مو عارفة شو اسوي و خصوصا لما قالي أني يمكن هي اذتني بعد و سبحان الله بهالوقت كان خاطري اكون مع ريلي لان ما عنده احد غيري و هو الحين محتاجني اكثر من قبل…تميت وياه عادي أشجعه عالعلاج وانا بديت وياه
يه الشيخ عشان يقرا عليه مرة 2 و هالمرة ما تكلمت الجنية ريلي رفع ريله اليمين يعني تبي تطلع بس طلب منها الشيخ انها تتكلم و تقول انها بتطلع بس ما وافقت" حسبي الله عليها" بنات طلبت من ريلي يسال الشيخ ليش بعد ولادة بنتنا جي صار قاله انها غارت قبل عادي عندها بس لما حست بوجود ياهل من بينا غارت.. و ريلي صار وايد يروح الحمام الله يعزكم تعرفون ليش؟ لان تحس بلذة بها الوقت حسبي الله عليها حسبي الله عليها خربت بيني و بين ريلي ما خلتني استانس وياه ما خلته يستانس في بنته وايد حتي يوم ولادتها بالنسبة حق ريلي كان اتعس يوم في حياته تخيلوا هو قالي جي المفروض يستانس بولادة بنته بس أبدا ما استانس قالي حسيت بالخوف فظيع و صراخي بالولادة لين الحين في أذنه تخيلوا*
الحين هو مواظب العلاج بس الله لا يواريكم الأعراض لما أنام عنده والله يشاخر شخير عالي عالي اول مرة اسمعه جي يشاخر ما اقدر أنام لما اقومه ما يقوم بسهولة قبل لما يشاخر اخليه ينام عالجنب و يهدا بس الحين لا يقعد يشاخر و ويهه صار مسود عدل وكل ما اروح الشقة اضايج وايد بس اسكت و اتحمل لانها مأثرة فيني بعد….بس علاقتي وياه حاولت تكون احسن رحنا الفندق ومافي اي تحسن كله مخليني عند اخته و لما أشوفه بس ايي يشوف بنته متحملة الحين كل شي و صار بدال الهم همين و المسؤولية زادت علي وايد بس ما اقول غير الحمدالله ع كل حال…يا رب صبرنا يا رب صبرنا و أشفينا يا ارحم الراحمين……
حبايبي اتمنى انكم تدعولنا ان الله يشفي ريلي و تطلع الي فيه يا رب ريلي قاعد يتعذب وانا اتعذب معاه ادعوا يا بنات الله يفرج همنا يا رب و يرزقنا بالذرية الي انا و ريلي نتمناها و الله ياخذ الي كان او كانت السبب في الي صار من بينا حسبي الله عليهم حسبي الله عليهم و النعم الوكيل عساها تطلع ان شالله يا رب تطلع ان شالله
نصيحة مني لكم: اقروا سورة البقرة و الاذكار و الرقية الشرعية احفظوا رياييلكم و عيالكم اقروا عليهم و خليهم يحفظون ادعية واظبوا عالصلاة في وقتها
الله يحفظكم من كل شر ان شالله
دعواتكم لنا حبايبي و الحمدالله ع كل الحال
اللهم اني لا اسالك رد القضاء وانما اسالك لطف فيه يا الله0
الله يشفي ريلج يارب
الله يشفيه ياارب
الله يعينك اختي والله مو هين استغفر الله
الله يعافيه يارب اهم شيء واضبو على جلسات الشيخ وما تقطعي سورة البقرة من البيت
وبأذن الله تطلع ويتعافا ريلك يااااارب
الله يشفي ريلج يارب
يختي..لاتيأسين.وخليج.جنبه.
وعليج..بماي..زمزم..وارقي..بنتج..دووووم
والله..كثرت..هالمشاكل..من..مس..وسحر..
حاولي..تودينه..مركز..الرحمة..في.العين..يعالجون..مث ل.هالحالات..بس.لازم.تواصلين..العلاج
والله..يفرج..كربتج.ان.شاء..الله
وسامحيني..على..كثرة..النقط.بس.المسافة..خربانة…