اشحالكن خواتي عساكن بخير..
ومبروووك عليكن الشهر..
المهم فديتكن بإختصار شديد انا عايشه مع اهل
ريلي اصلا عمتي ميمعه كل عيالها المتزوجين عندها
وريلي غريب عني المهم انا ما احتك مع اخوانه
خير شر بس اكون متحجبه وما احط اي شي في ويهي المهم فديتكن من بدايه رمضان شف العجب والعجاب هوان الكل يفطر مع بعض !!! كلنا اولاد وبنات في
مكان واحد والمكان ضيق وااايد حريم اخوان ريلي عااادي عندهم مستانسين ودق سوااالف الا انا مب مرتاحه مول بس موخيه براسي ولا اكل اي شي والله غير التمر عسب افطر وما اكمل دقايق حتى انش واسير حجرتيه الكل لاحظ اني مضايجه
رمست ريلي ورمس امه بس اكيد الكلمه الاولى والاخيره
للوالده وقااالت زوجتك دلووعه ؟؟؟
فكرت اني اخذ لي فطور للحجره بس هالفكره انمسحت من سمعت تقول الكل من يطلع الحجره وهي معصبه جان
خلاااص بأخذ الفطور عقب ما اصلي لان الكل بيسير جان
تعصب العمه وتقول كل الاكل ينعق في الزباله مافي شي يتم في المطبخ؟؟ الله المستعان استغفر الله العظيم ..والله ما اعرف شو اسوي من بدايه رمضان انا
اكل من كافتريا وما اصدق لما ريلي يروح الدوام عسب اسير بيت اميه الله يطول بعمرها..
قولولي شو اسوي..الصراحه انا اخاف منها ومن
نظراتها وما احب اسوي مشاكل مع اي حد في البيت
كل عسب خاطر ريلي..
لا تنسون كلام الرسول صلى الله عليه وسلم
(الحمو الموت الحمو الموت الحمو الوت)
والحمو هو اخو الزوج
الله يعينج ويصبرج يالغاليه ..,
المشاركة الأصلية كتبت بواسطة روح الزعامه 
الله يعينج ويصبرج يالغاليه ..,
هيه والله جنه صغاريه 
تسلمين اختيه
انا من ناحيتي افطر مع اهل زوجي وكلنا يميع بالعكس حلوه اللمه وماتهنيلي اللقمه من غيرهم جد والله
لابشل فطوري ولابنخش عنهم مدام انا ساكنه معاهم …. لكن الاحترام فارض نفسه
بتحجب وبيلس وباكل وبسولف باحترام وين المكشله ….
انا غداي وعشاي كله وياهم 9 سنوات والحمدلله بحجابي وحشمتي …
يا اختيه مدام انتي عايشه معاهم لاتخربين روتينهم ولمتهم يسي باحترامج تراه لمة الاهل استوت نادره
وقلة صلة الرحم والترابط … الواحد يعيش مع اهل زوجه ماشي مشكله لكن بجابج ووقارج وذرابتج
وكل حد له عاداته في اللي ماتشوف حميها الا وهي متغشيه وفي اللي مايلتمون بالمره يعني الناس عادات الغاليه
لابقولج شلي اكلج وانخشي عن اهل البيت ولابقولج زني على راس ريلج انه يقول لامه
بتستوي حساسيه بينج وبينهم …..
خبري الحريم يقعدون في صوب والرياييل في صوب ….. احنا جيه انسوي
بس راس اليلسه عدنا خالتي ام ريلي وابو زوجي ساعات اغلس اقعد امبينهم هاهاها لاني احبهم شكل والديني
او انج تجاملينهم وتفطرين شويه وقولي انا احب اكل بعد الصلاه وهذا حل مناسب لج من غير اي حساسيات الغاليه
وصدقيني ان شافوج تفطرين واتصلين الحريم الثانيات بيستحن وبيقلدنج وبهاي الطريقه وبشطارتج بتغيرين اللي تبينه باسلوب طيب من غير ماتخبرين ريلج او انه يقول لامه
أشوف اذا ماتبين محد يقدر يجبرج أختيه ،، خ تزعل واتعصب ..
وثانيا المفروض الكلمه اتكون كلمة ريلج هو مسؤوول عنج ،،
المشاركة الأصلية كتبت بواسطة ام رشوودي الصراحه تعبت من كثر ما ارمسه
اونه عندهم اللمه حلوه واهم شي
ما يعصون كلام الوالده..انا فكرت
اني اتمرد عليه وعلى اهله بس اتريا
تشجيع..
الله المستعان تسلمين اختيه