اردت في موضوعي هذا ان نتناقش حول موضوع ( كيفية التعامل مع الطفل العنيد في مراحل عمره المختلفة)
فكل واحدة تتطرح تجربتها في كيفية التعامل مع عناد الطفل..
فانا لدي ابنه عمرها سنة ونصف لكن "لا حول ولا قوة الا بالله " فهي عنيدة جدا وعصبية جدا لدرجة انها من العصبية تضرب راسها في الجدار او في سرميك الارض .. وتجر الشعر وتعض….
فارشدوني للتعامل معها ..
اتقولين تتكلمين عن ولدي يوم كان صغير
كان بنفس الطريقة يضرب راسة بكل سي جدار الارض ومثل ما قلتي
تعاملت وياة بهدوء تام
وتجاهل بعض الامور
الصراحة اذكرة مرة طلعت عن طوري ضربتة اشوي بس انصحج لا
ومرة تميت اصيح يوم يضرب راسة ولوية علية
وبعدها اكتشفت ان هو يسوي جي على حسب اجواء البيت
حاولي يكون البيت هادي وانتي بعد صوتج يكون واطي
وعطيها حلاوة او هدية يوم تكون شطورة
وتجاهلي بعض التصرفات لانها تبا تجذبج
وحاولي تتقربين منها وايد وتسولفين وياها لان هي تتحرا عمرها عودة ^_^ فديتها ربي يحفظها
ومع الوقت تخيلي ولدي وايد وايد استوى هادي
الحين هو ربي يحفظة عمرة 6 سنوات شيطون شوي ويغايضني مرات بس يعتبر هادي
بس يوم يعصب انسي
هههههههههههههههههههههههه
الله يحفظهم يا ربي عيال الزمن ها غير مب شراتنا ^_^ لان الاجواء كلها غير
وسمحيلي على القصور