لحقواااااا عليه واحد تعرضلي البارحة ع الحديقة 2024.

تصدقون بنات البارحة عقب صلاة العشا سرت أمشي ع الحديقة ، وأنا أمشي لاحظت أنه في واحد ياس يتابعني وأنا من الزيغة سويت عمري ما أشوفه ، وحاولت أسرع خطواتي عشان أوصل حق سيارتي ، لكن السيارة وايد كانت بعيده عليه ، وعقب اختفى وقلت في قلبي الحمدلله روح وافتكيت منه ، ومع هذا كنت أتصدد يمين ويسار من الزياغة ، لكن تخيلوا طلع أنه الريال ما روح وأثره يالسه في سيارته يراقبني ، ويلست أقرى المعوذات وأكثر من الاستغفار عشان الله يحفظني لين أوصل بيتي ، وتمنيت ساعتها أشوف حد أعرفه ع الحديقة ( ريلي ، ولا خواني ولا حد من هلي لكن دون فايده ) ، قلبي كان يدق بطريقة حسيت أنه بيوقف عليه ، وكنت كل ما ألف أحس أن بعد ورآيه ، ومن وصلت جريب سيارتي فرحت وقلت الحمدلله ، لكن شو صار حصلت الريال في ويهي وتبريت مكاني ونزلت ع الشارع العام وبالصدفة حرمة طلعت من الحمام ( وانتو بكرامة ) ويوم شاف الحرمة سوى عمره بيدش الحمام ( وأنتو بكرامة ) فركضت بسرعة لين السيارة وسكرت بيبانها وتحركت ، وشفته ظهر من الحمام وحاول يلحقني لكن أنا ضيعته ووصلت بيتي بالسلامة .
للأسف خواتي هذي قصتي البارحة وما رمت أرقد ، وما قلت حق ريلي لأني متروعة ، واللي حاز في نفسي أنه اللي لحقني البارحة مواااااااااااااطن.