انا رحت المستشفى لتصوير الجنين وقالوا لي كل شي سليم واوكي
بس بعدين قالوا لي الرحم فاتح 8 مل وطول عنق الرحم 3.1سم
ومحتاجه ربط عنق الرحم رغم انه مافيني الم ولا نزل ماي ولا دم
وقلت لهم عطوني ابر تثبيت وحبوب وبتم نايمه مابتحرك
لاني ماريد عمليه وتخدير كامل
الله يخليكم منو مرت بالتجربه وشو تجاربكم في ربط عنق الرحم
علما بان عندي بنوته وربيت بها طبيعي وماكان في مشاكل
اختي والله نصيحه من اخت
روحي سوي لج عمليه ربط والله ما راح اطول ربع ساعه بالكثير نص ساعه
انا في حملي الاول وانا في الشهر الخامس كشفت الدكتورة طلع انه الياهل راسه تحت وعنق الرحم فاتح بس ربي ما اراده وطيحت الياهل قبل العمليه بكم يوم
والحين ربي ارزقني بالحمل والحمدلله توكلت على الله وسويت عمليه ربط عنق الرحم وانا في الاسبوع 12
نصيحه من اختج لا تهملين عمرج
وروحي سويها وتوكلي على الله والله ما تخوف العمليه مره سهله
والله يثبت حملج يارب
ويتممه على خير
وعقبال ما تقر عيونج بشوفته يارب
المشاركة الأصلية كتبت بواسطة عيون الإمارات 
اختي والله نصيحه من اخت
روحي سوي لج عمليه ربط والله ما راح اطول ربع ساعه بالكثير نص ساعه
انا في حملي الاول وانا في الشهر الخامس كشفت الدكتورة طلع انه الياهل راسه تحت وعنق الرحم فاتح بس ربي ما اراده وطيحت الياهل قبل العمليه بكم يوم
والحين ربي ارزقني بالحمل والحمدلله توكلت على الله وسويت عمليه ربط عنق الرحم وانا في الاسبوع 12
نصيحه من اختج لا تهملين عمرج
وروحي سويها وتوكلي على الله والله ما تخوف العمليه مره سهله
الله يقومكن بالسلامه…بس سؤال..اشلون انتي بالشهر 12….!!!!!!!!!!!!!!!!!!!!!!!!!!!!!!!!
انا اللي اعرفه ان الحمل مدته تسع شهووووووووووووور…فقط….!!!!!!!!!!!!!!!!!!!!
والله يقومكن بالسلامه وتفرحن بالبيبي…^_^
وانا سويتها امس الحمدالله طلعت في نفس اليوم
لان الدكتوره قالت لي بالعاده نحن نسوي الربط في الاسبوع ال14 ونازل
بس انا الحين بالاسبوع ال19 وممكن تسويلي مضاعفات ونجاحها 50 بالميه
وانا ماكان فيني شي بس من قالوا لي وانا ميته من الخوف ووايد متوتره
ومحد عنده خبره يقولي اياها والله اني اكلمكم وانا الحين منومه بالمستشفى
ويالسه ابحث في الموضوع
الله يخليكم ردوا عليه قولوا لو شو اسوي
والتخدير كامل ماياثر على البيبي
انا الحين في ال19 وقالت لي يعني هي راح تساعد بس ماتضمن
عشان جي خايفه وقسم بالله الله يعلم بحالتي
سوي عملية ربط سهله وبسيطه والكل يمدحها حزة الولادة ان بس يفتحون الربط ينزل البيبي من غير مشاكل
بس حاسبي على نفسج في فترة الحمل لان الربط اذا اهملتي نفسج وما ارتحتي ووايد ضغطي على نفسج يسوي التهابات في عنق الرحم
والله يبعد الشر عنج ويرزقج الذرية الصالحة
توكلي على الله
انا ما امجربة بس عمتي ام ريلي عيالها كلهم امسوتلهم ربط لان في الشهر السابع عندها خلاص اييها الطلق ومن عقبها بعيالها كلهم تسويلهم ربط
بس تكون 24 ساعة عالفراش ما تتحرك الا للحمام وانتو بكرامه
الله يسهل عليج يارب