بنات انا متضايجه اكتشفت ان ريلي يتواصل ويا وحده عن طريق الايميلات يعني يعرفون بعض زين مازين وهاي الوحده عندها ولدين وريل ومع ذلك مب سادنها ريلها شكله!!!!!! كيف اتصرف وياه هل اقوله اني دخلت ايميلك وشفت هالبلاوي ؟؟
كل الكلام الحلو اللي يقولي اياه يقولها ……… شو اسوي والله هو يحبني وانا احبه .. من زمان
بس هاي الحقيره تبا تفرق مبينا شكلها ):
بس احس انج لازم تواجهينه
مرحبا الغاليه …. دام عندج دليل واجهيه …
في هالأمووور أحسن شي الصراحه والمواجه…
وحتى لو عرف أنج شفتي ايميل شو عليج منه …
والله يسهل أمورج
خذي إيميلها وشرشحيها وهدديها بتخبرين ريلها..
وواجهي ريلج ولعني بوخامسه.. وحسسيه إنج لو شو
مابتتنازلين عنه، وقوليله إنج أخذتي إميلها وقدرتي تعرفينها منو..
وقوليله بعد إنج بتفضحينها عند رييها.. خوفيه وخوفيها.. كوني قويه
لاتقولين صغيره وماعرف هالسوالف.. إن لم تكن ذئبا أكلتك الذئاب..
فديتج ماشي غير المواجهة وبأسرع وقت قبل لاتكبر السوالف من بينهم..
والسموووووووووووحه..
واذا قالج انتي ما قصرتي واجهيه قوليله عيل ليش تدخل طرف ثالث في حياتنا
لا تسكتيله بس تعاليله بالهداوة
واذا حسيتي ريلج بينكر ولو انا كنت مكانج
بنسخ كل الايميلات اللي هو مطرشنهن واللي هي مطرشتنهن عسب ما يقدر ينكر
لانه بامكانه انه يمسحهن
والله يوفقج وياه ويهديه