بنات خلاص طفح الكيل انا مب رايمة اتحمل اكثر خلاص بموووت
تعبت نفسيتي تعبت اخاف اعصب على ريلي او اقول له كلام اندم عليه بعدين
السالفة انه مرت اخو ريلي لصقة 24 ساعة لاصقة في ريلي
كله تطرش له مسجات في البيت معاه
عندها شي تشاوره بس خلاص تعبت
انا سبق وقلت له اغار قالي هاي شرات اختي الصغيرة
بس بعد انا ما اتحمل يعني انتي حرمة متزوجة وعندج ريلج شو تبين في ريلي
القهر اليوم اقوله شو بتتغدى يقولي بروح اطلب من برع ويوم رمسته العصر
يقول لا ما كلت برع فلانة سوت لي بيض انا هني مت من القهر من كم يوم
يقولي هي مو مسئولة عني والحين طالب منها تسوي لك بيض
وبعدين ما رمسته شوي يقولي بصكر عنج فلانة تزقرني ما ادري شو تبا تبني في البيت
والله مت مت…يعني ريلها وين تقوله ليش تقول حق ريلي
والمشكلة انا بسكن وياها في نفس البيت يعني قالوا قبل الطابق اللي فوق حقها
واللي تحت حقي والحين ما ادري شو تبا تبني تحت بعد…
بنات خلاص تعبت ما ابا اخرب بيتي وانا توني
شوروا علي كيف افهمه شو اقوله والله بمووت خلاص تبعت
اقطعي هالشي من البدايه ..
وحالي تقنعينه انه هالشي مب زين ..
يمكن هو قبل متعود عليها يوم عزوبي تاخذ شورة وفي نفس الوقت تعتبره نفس اخوها وتحاتيه
بس الحين انتي موجوده .. وتقدرين ترمسينها ..
عادي رمسيها .. قوليلها فلانه الموقف كذا كذا كذا ..
وهو ترى بيحرق قلبج اكثر وبيموت ويخليج تغارين ..
عشان جيه اكسري الموضوع من البدايه ونبهيه قوليله ترضى اسوي نفس ما فلانه تسويلك اسويه مع اخوك ؟؟
أو ريل اختي !!
وقوليله لو ريلها درى ………. !! عادي؟؟!!
قوليله لاتهدم بيتها اخاف ريلها يعرف وتصير مشكله
وكل مره من هالأمور وربي يبعدها عن ريلج ويشغلها بريلها
بس بعد جايز ريلها هب عاطنها ويه عشان جيه محتاجه ريال وماعندها غير ريلج !!
الله يعينج
انا اعرف لانه ريلها كله مشغول عنها
توه اتصل ما رديت عليه مب رايمة اخاف اقوله شي اندم عليه بعدين
ما يالسة ارد عليه وهو مب عارف اصلا انه انا زعلانة للحين
شاسوي شورا علي مب عارفة شاسوي
حسسي ان هالشيء ببعدكم من بعض واذا ما تقدرين كلميها هيه وقوليلها انتي ترضين جي اكون مع ريلج
والله يوفقج حبيبتي
::::
عزيزتي يمكن صدق هو يعتبرها اخته مافي داعي اتكبرين الموضوع انزين انت لا تعطينها مجال خليج على راس ريلج
يعني انا نسيبي دوم يشاورني واتشاور وياه مع ان ريلي موجود مو قصور في ريلي لا والله بس نسيبي يرتاح يطلع اللي في خاطره لي وريلي يرتاح اني اسمعله لأني اوصل العلوم له بحيث ان لو صار شي لاسمح الله لنسيبي ريلي يكون عنده علم ومرات نسيبي يكون يسولف وياي علشان ينحرج يكلم ريلي (اخوه العود) فأنا اكون اوصل الرسالة بطريقة مقنعة لريلي
المسألة مش مسألة شي امبينا لا المسألة مسألة اننا نعتبر عمارنا اخوان في البيت
وأنا كوني ما عندي اخوان شباب (للعلم نسيبي متزوج وعنده عيال واصغر مني) فأرتاح لنسيبي وايد يوم اسولف وياه وريلي يعرف لكن يعرف ان خاطري طيب صوب نسيبي وخاطر نسيبي طيب…
يعني خفي ولا تزيدين المشاكل في البيت اذا ريلج متعود يسولف عندها عوضيه واخير يسولف عند نسيبته ولا يسولف عند بنات الشارع…شو رايج
::::
+
وبعدين الدين الاسلامي ما يسمح بالشي هذا والرسول عليه الصلاة والسلام قايل الحمو الموت
نحن في عايلتنا الرياييل ما ييلسون ويا الحريم
وانا ما اقدر ادوس على نفسي حاولت اكتم قبل بس ما اقدر حتى لو مافي شي من بينهم بعد انا ما احب
وما ارضاها لا على نفسي ولا على غيري..
وانا موشايلة في خاطري عليها ولا شي بالعكس احترمها بس التصرف هذا فيها ما يعيبني
فانا ابا اقول حق ريلي بطريقة ما اجرحه فيها ولا اجرح مرت اخوه ولا اجرح نفسي عشان جيه ضايعة مب عارفة شاسوي
راسي بينفجر خلاص تعبت