امس ريلي طلب اسويلة لزانية وبالصدفة اختي داوم في بوظبي دقتلي الظهر البارحة الظهر
وقالتلي ابا اكل شيء من ايدج تعبت من اكل البشكارة المعفوس….المهم خلنا في الموضوع
خقاقة…
المقادير
2 كيس لحم مفروم
1علبة معرونة لزانيا
قوصي صلصة
5/6 حبات بصل صغير او متوسط
3/4 حبات طمام
2 مكعب ماجي
ربطة كزبرة
رشة نعنان مجفف أو اعشاب العطرية الموجودة عندج …
وخلطة البشمل…
ابدء بخلطة البشمل
انا مقاديري بالبركة… بس بحاول اكيل معاكم…
نحط خاشوقة كبيرة سمن في جدر ونحرها شوي
نحط عليه فنيالين طحين منخول… ونحمسه لين يتغير لونه شوي
مب نحرقة…
بعدين اضيف الحليب بالبركة وإذا ما عندج حليب فرش عادي حطي حليب
بودر مذوب في ماي واتم اجلبة واحركة بمضرب السلك وعادي ارفعة
من على النار واضربة بمضرب الكيك الكهربائي لين تختفي الكتل…
واردة على النار حرارة متوسطة …
واضيف الماجي والملح والاعشاب العطرية واخلي قوامة متماسك وغليظ…
الحين الرد للمعكرونة:
احط جدر فيه ماي مغلي ويكون الجدر كبير وخليه يغلي عدل واحط 4/5 قطع كل مرة
وجلبهم عشان ما يتلاصقون بملاس عودة عشان ما تتقطع عني قطع المعكرونة
لين اخلص الكمية…
اني للحشو الحين:
ايب الزيت واحطة عليه اللحم وخليه في جدر نار متوسطة وخليه لين ينضا وضيف
عليه عقب الملح والفلف الاسود والبهار والماجي على حسب الرغية وحط قوطي
الصلصة وخليه لين يتسبك على نار هادية ….وعادي تحطين طماط خظر بعد ولا فلفل
على حسب الرغبة…
طبعا الجدور كلها تشتغل في وقت واحد على النار بمساعدة الخدامة…
الحين خلصنا:
ايب المعرونة افرشها في صينية وفرش عليها لحم وعقب معرونة وعقب بشمل وارد
معكرونة لحم معكرونة بشمل طبقتين ولا ثلاث حسب الكمية إلي عندج وحجم الصينية بعد
وحط بشمل وااايد على الويه وطبقة جبن موزريلا ولا برمزان …
و بالهناء ولاشفاء ….
مع تحيات ام حصوصي….
يم يم يم يم يم يم يم يم يم يم يم
بس حبيت اعرف كيف شكل معكرونة اللزانيا؟؟؟؟؟؟؟؟؟
مشكووووووورة الغاااااالية…………..
هم تكفلوا بالمهمة ما خلوا ولا قطعة صغيرة….
المشاركة الأصلية كتبت بواسطة أم سالم 