لصاحبات الشعر الجاف حمام كريم 2024.

بسالكم يابنات الي شعورهم جافه مثلي
كم مره تسوون حمام بخار كريم في الصالون
واي نوع تطلبون ؟؟
انا جربت حمام كريم كريستاس للشعر الضعيف في الصالون وايد رطب لي شعري واحسه وايد ناسبه
وقالتلي الكوافيره يبيلك كل اسبوع
بس غالي ب 150 درهم لانه ارقى شي من منتج كريستاس
بس انتوا تسوون كم مره الي شعورهم جافه مثلي ؟؟؟

انا شعري دهني .. فأكيد مابفيدج ^_^
ان شاء الله البنات يفيدونج اكثر

كل اسبوع 150 درهم حرام وايد
انا استخدم فاتيكا تلقينه فالجمعيه ناسب شعري وايد
موفقه

انا شعري كان دهني من الصبغات اتيبس اهىء
الحين مستوي مكس بس كشه فظيييع
كريستاس هذا احيدني مجربتنه كان اوكي اشكرج ذكرتيني به
ماعليه بندفع المهم يرد شعري حرير ( قويه هع هع )
ثانكيووو اذا اكتشفت شي بخبرج

انا اليوم اشتريت العلبه المدوره منه الحجم الكبير غالي 255درهم
عشان اسويه في البيت افضل
بس خبروني لازم كل اسبوع ولا عادي ؟؟؟

جربي فاشكول اللي ينباع في الجمعية او عند محلات نزيه في شارع صلاح الدين في منه انواع فيه بالثوم وهذا احسن نوع ولاتخافين ريحته مب ثوم ريحته روووعة كريم
ويعمل عمايل بالشعر يخليه حرير من اول استعمال جربيه وسعره جدا معقول مابيتعدى الـ 80 اذا بيكون غالي

اختي… بقولج تجربتي مع الكريستاس
العام جربته… لمده 8 شهور.. مكلف…. دفعت حول ال 3000 درهم
الكورس عباره عن 7 جلسات… جلسه كل اسبوع… تغسلج شعرج واتحطلج حمام الزيت مع التدليك واتخليه ع راسج ربع ساعه وبعدين ترد تغسله…. وبعدين تحطلج الامبوله مع التدليك…. هذا اللي اسويه طول ال 7 جلسات.. وكان فيه جلسه خاصه دفعت عنها 400 درهم…. نفس الجلسات العاديه بس استخدمت جهاز مثل الفير… قالتلي هذا يدخل الدوا داخل الشعره!!

وطبعا طول ايام الاسبوع تستخدمين المنتجات اللي شريتيها منهم… الشامبو… الكونديشنر… حمام الزيت… الامبولات

بتخليج تشترينه كله مره وحده مع الكورس والكميه بتكفيج 8 شهور….يعني بتعطيج علبتين شامبو وعلبتين حمام زيت والامبولات 4 علب

المهم في النهايه ….. الفايده مب مثل ما اتوقعتها…. والتغير ابدا مب ملاحظ…. محد قالي شعرج طول او غلظ او حتى لمع

ما يسوى تخسرين هذا كله
بس جني الا برد عليه هالسنه بعد…. ليش مادري