شحالكم خواتي الحبوبات
حبيت أشارككم بسويتاتي اللي سويتهم البارحه ويم يم يم
ولعشقي للشوكلاته فسويتاتي شوكليت x شوكليت
وان شاء الله يعجبونكم
هااااااا شو رايكم ؟؟
تبون تعرفون الطريقه ؟؟!!
يا الله بخبركم ..
———————————————
السويت الاول كيكة الجلكسي (حلا الشوكليت)
كيكة الجلكسي
كأس دقيق
3 بيضات
3/4 كأس سكر مطحون
ملعقه كبيره (بيكنج باودر)
ملعقه صغيره فانيليا
1/2 كأس زيت
3 ملاعق كبيره كاكاو بودره
3/4 كأس حليب سائل (المراعي) او السعوديه المهم مو حليب الشاي او حليب مركز!
2(شوكلاتة جالكسي) "الساده"
الطريقه:
1- نضع في الخلاط (خلاط الكيك) السكر + الزيت + الفانيليا + الحليب + الكاكاو البودره
وتخلط جيداً.
(ثم يؤخذ منها مقدار كأس إلا ربع ويوضع جا1111نباً.
2- نضع البيض على الخليط المتبقي في الخلاط ويخلط جيداًز
3- يخلط الدقيق مع البيكنج باودر بالملعقه ويضلف الى الخليط ويقلب جيداً.
4- تدهن الصينيه ويصب الخليط فيها وتخبز في الفرن على نار وسط حتى تنتفخ
(عاد لا تفتحونها العشر دقايق الاولى)
5- تخرج من الفرن وتخــّ رم بالشوكه
ويصب الخليط الأول حتى يتخلل الكيكه جيداً , ثم ترش شوكلاتة جالكسي على الوجه
(طبعاً تكونون باشرينها قبل)
تطبيقي:
( أنا يبت الجلكسي اللي حطيته مسبقا فالحمام المائي وسويت به حركات على الكيكة
وعقب يبت فليك لانه ما يحتاي بشر هو يتفتف بروحه ونثرته من فوق وزينت بالاوريو وبسكوت الباندا)
أخليكم ويا الصور تشرح كل شي
<>
<>
<>
هني يوم خليت 3/4 كاس من الخلطه الاولى
يتبع>>>
وهني دهنت الصينية وصبيت الخليط
وهني بعد ما طلعتها من الفرن
وهني صبيت اللي خليته فالكاس
الجلكسي فالحمام المائي
حطيت الجلكسي الذايب فوق بحركات عشوائية
و حطيت فتات الفليك من فوق
يبت الاوريو وبسكوت الباندا
زينت الكيكه
وهني خلصت السويت الأول وهني وعافية يا حلوات
——————————————–
يتبع>>
وهني السويت الثاني من ابداعاتي الخاصه خطرت فبالي الفكره وسويتها وبعد شوكليت
^_^
سويت ((0 كرات الشوكليت 0))
المقادير
خليط كيك هش .. وطريقة التحضير مكتوبه ورا العلبة
جلكسي
نوتيلا
حليب المراعي
ملعقه صغيره زيت
والحين أخليكم ويا الصور تشرح كل شي
باسم الله نبدا
وهني انا احط بيبسي او اي مشروب غازي بدال الماي لانه الكيكه تطلع هشه أكثر
يتبع,,
هني بعد ما طلعت الكيكة من الفرن قصيت نصها وشليت الهش منه
هنيه الجلكسي والنوتيلا فالحمام المائي
حطيت الجلكسي فوق فتات الكيك
وبعد ما عجنته شوي
أضفت ملعقتين كبار نوتيلا
وهني حطيت ملعقتين كبار نوتيلا وحطيت عليهم شويت حليب وملعقة زيت صغيره وخلطتهم بحيث
يكون المزيج سائل
بعدها بديت آخذ من الخليط و أكور وجمعتهم في صحن واحد وصبيت عليهم الشوكولاته السايله
ورشيت فوق شوية كاكاو بودره وفتات الفليك
حطيت عالطرف بسكوت مملح عشان اللي ياكل السويت ويغوص بحلاته يقدر يغير الطعم
وهني وعافيه
وهذا الصحن للي بترد بعدي ^__^
أي استفسار أنا حاضره
تسلم ايدج
انا اموووت ع الشوكليت ..
بس قهر يمتن ..
والشوكلييت روعة .. ينفع السويت لرمضان والعيد .. ^^
حبيت الثانية اكثر .. لاني ولا مرة جربت اكور الكيكة ..
بس عندي سؤال ..
خليط كيك هش .. وطريقة التحضير مكتوبه ورا العلبة
اي كيكة هااي ؟؟ تكون جاهزة ؟؟ واذا تحطين صورتها يكون افضل .. ^^
وربي يوفقج
اختي حوراا بالنسبه لسؤالج الخليط الجاهز والصوره فوق فتاني رد
صورة المقادير واللي اقصده الكيس الأزرق ^__^