بنات مرض السكري وارتفاع ضغط الدم صار منتشر في الدوله بشكل شنيع واحنا احتمال نصاب فيه ..
فيابنات شو رايكم نسوي تجمع هنيه اللي عندها اب او ام فيهم هالمرض كل وحده تقول كيف تعتني فيهم من ناحية المأكل والمشرب وتناول الدواء ومراجعات الاطباء وممارسات الرياضه
ياليت كل وحده تقولنا
انا امي اراجع فيها عند المركز البريطاني امبريال كوليدج لعلاج السكري وهو علاج مجاني للمواطنين في مدينة ابوظبي .. وتتناول الخبز الاسمر
كل وحده ياليت تقولنا تجربتها ويا اهلها بهالمرض
الله يشفي مرضانا و مرضى المسلمين ياااااارب اللهم آآآمين ..
السموحة ما عندي شي أقوله بس حبيت أشارك و أرفع الموضوع ..
بس جداتي فيهم .. الله يشفيهم
وسجلوني متابعه للموضوع ان شالله
بنتي فديتها طلع عندها السكري وعمرها سنه ونص الله يشفيها ان شاء الله
والحين هي اول مراحل المرض واعطيها انسولين بس بعده السكر ما ضبط عنها
والحين احاول اتحكم في اكلها
طبعا الاكل قسمته ثلاث وجبات رئيسية الفطور والغدا والعشا وثلاث وجبات خفيفه اللي هي فترة الضحى والعصر وقبل النوم
واليوم اشتريت شوكلت وبسكوت ولبان خالي من السكر
ويا ريت نتشارك في الاكلات اليوميه
ا
وحبيت اسالج اختي هل المستشفى عطاكم محاضرات او نشرات تثقيفية عن المرض والتغذية
ويااااااااريت بنات اللي تعرف اي شي يفيدنا يعني عن مستشفيات او مراكز السكري يفيدونا
وان شاء الله قريب بسير سبنس بشوف عندهم قسم خاص للسكري
الله يشفي مرضانا و مرضى المسلمين ياااااارب اللهم آآآمين ..
الصراحه عندنا ابويه فيه السكري واكيد وياه الضغط بس تقريبا من سنتين ,, المشكله مب مهتم بعمره وايد وما يواضب عالدوا وياما حاولنا وياه ,, بس يوم يشوف عمره تعبان خذ الدوا ,, ومزاجه بسرعه يتعكر واتوقع من السكر,,ويحب ياكل الحلو وااايد خاصه عقب ما عرف ان فيه السكري >> سبحان الله كل ممنوع مرغوب ,, بس نحن نتبّعه ونقوله كل بحساب ولا تكثر ,, وبس^^
الله يشفيه ان شاء الله والله يهديه ويواضب هالدوا عشان نرتاح ونطمّن عليه والله يطول ف عمره ويخليه يااااااااااااارب^_^
وشكراً عالموضوع^^