فديتكن انا حبيت افيدكن لأني ياما استفدت من هالفورم وكثييير استفدت من الااخوات وطبعا ما نقلت هالتجربه الا بوافقه البنت
لكل من تعاني من حبوب الشباب الحين و بإذن واحد احد تقولين لهم ودااااااعا الى غير رجعه
خواتي ربيعتي كان فيها حب شباب بس مش من الكبار و ملتهبيين لا كانوا مثل حساسيه البيبي أول ما ينولد
المهم استخدمت ادويه و الحمدلله نفعها بس ماشالهم نهااااااائيا المهم
راحت عند مطوعين اثنيين يعني :
الأول عطاها وصفه ما شالله فادتها واااااااااايد وهذا بإذن الله كان اول باب انفتح لها لمعالجه حبوب الشباب
المطوع الاول وخلطته :
جوز الهند الأصلي
و زيت زيتون
ومطحون قشر الرمان
وكلهم تودينهم لأي مطوع يقرأ عليهم عن العين و الحسد و الأمراض
انزين تاخذين ملعقه قشر رمان و ملعقه زيت زيتون و ملعقه زيت جوز الهند
وبيكفونج مده المهم تحطين ع الويه مساءا لين الصبح وتغسلين ويهج بماي دااااااافي
والله يا بنات من ثاني استخدام بينت النتيجه فيها وفادها كثييير
وصلت لمرحله ما تحس انه قام يخفف من الحبوب بس اوكي خفوا واااايد وااااايد ما ينشافون الا بالكاااد
راحت عند مطوع ثاني ووصفته كانت :
مطحون الحبه السودا
وزيت زيتون
والوصفه هاذي لأسبوع فقطططططططططططططططط
يوميا ومساءا فقط
ملعقه حبه سودا و ملعقه زيت زيتون واخلطي وحطي على ويهج واغسلي ويهج بالماي الدافي من المساء لين الصبح
(ملاحظه يه بعض انواع البشره ما تتحمل الحبه السودا تسوي لهم حساسيه تحط في الليل على معصم ايدها و تجرب اذا قامت الصبح و ماشافت شي حساسيه او اي تأثير سلبي
تحط على طرف جبينها شويه في الليل لين الصبح واذا ما سوا شي تتوكل على الله وتحط على كامل الويه .)
وبعد عطاها منقوع تشربه صبح و مساء :
ملعقه حبوب حبه سودا
بقدونس
نعناع
تنقعهم في ماي و تشربه
بنات ويهها ما شالله الله والكل قول ما شالله استوى بيبي فيس و البشره حلوووووووه تبارك الرحمن الله يحفظها من العين
وإني للسر بالمنقوع :
يقول لكم حبوب الشباب ما تطلع الا بسبب تغير الهرمونات
ناسين اهم شي و هي المعده المعده لازم لها نظافه على طول خواتي و اي شي تاكلينه مب كله يطلع فيه بعض المواد الفاسده تظل بالجسم فيطلع اثرها عن طريق حبوب الشباب او تساقط الشعر او جفاف الجلد او اي تغيرات تتطرأ عليج
فالمنقوع هذا يصفي و ينظف المعده و الجسم …
استخدمن هالاشياء المذكوره و مالكن الا طيبةالخاطر بإذن واحد احد
ولا تنسن تدعون لي بظهر الغيب ما بغيت اكثر ان الله يجمعني باللي ابيه و يكتب لنا نكون لبعض و يسهل و اكمل دراستي للماجستير و يحفظ اخواني و أمي
واللي تبي تنقله حلال عليها نبي نفيد بنات الاسلام و المسلمين
انا توني داخلة المنتدى ادور لي حل حق حب الشباب اللي بهدلني وقريت موضوعج
الله يجمعج مع اللي تبينه ويكتبه من نصيبج ويحقق لج كل اللي في بالج
دعواتكم لي بالزوج الصالح