بس وايد تتحرطم كله تصيح ودلعها صياح
والليل دوم تقوم من الرقاد يعني ترقد بس رقادها متقطع بزيادة يعني تنام وتنش تشرب حليب وتنام بس وايد متقطع واتخيلو انا من الشارجه ودوامي في دبي انش مسطله لدرجه اني كم مرة كنت بدعم وبروح فيها كنت بدخل في شاحنه والله ستر
بنتي مافيها شي ولا مريضة يعني هي جذي من يوم يبتها تتحرطم ولعبها صراخ
تكون هادية مرات بس هي من اليهال المزعجين يعني الحمدالله على كل حال بس والله تعبت
ماعندكم حل لمشكلتي يا امهات
انا كل بناتي جيه صياااااااااااااااااحات لدرجه انتي ما تتخيلن يسودن عليه من الصياح
الكل يوم يشوفهن يقول شو استوالها طاحت عضها شي وبعد سنه ونص الحمدالله يهدن ويثقل نومهن
بنتي من يبتهــا وهي صياااااحه ،،
ماخليت بهاا مستشفى كلهم يقولون لي مافيهاا شئ !!
ولين الحين طبعا !!! ما شاء الله عليهاا تمشي في الثمان شهور الحين ،،
صح خف صيااحها عن يوووم كانت صغييره ،،
بس بعدهاا صياحه درجه اولى ( حتى ف العايله مسمينها الصياااااااحه )
وخلي عاد يوم نسير مكان خاصة عند اهل ريلي والا بيت يدهم ،،
تعالي شوووفيهااا بس ،، على طووووووووول بتتيود فيني ،، ولووو حد فكرر بس هاا !! يشلهااا ،، منووو يسكتها !!!!!!!!!
الله يعينااا ع البناااااات الصياحااااااااااااات ،،
وان شاء الله مثل ماقالت الاخت اللي قبلي يوم يكملوون سنه يهدووون ويثقل نومهم
( يالله بنترياااا راح الكثير عيل ولم يبقى الا القليل خخخخخخخخ )
خخخ الحال من بعضه
بقولكم خواتي شو السبب
الاطفال الي قريب عمرهم من عمر المشي يخافون من فكرة المشي انها تفصلهم عن امهم الي هي مصدر الامان بالنسبة لهم …. لذلك يصبهم هالشي لما تطلعين من الغرفه مثلا تخاف وتصيح انها ما تشوفج مره ثانيه … والنوم يصير متقطع وخفيف
بس هي مرحلة وتعدي لين بعد السنه 
يالله اصبرن والله ياجركن
انا بنتي مثل بنتج…
ولعبها كله صرااااااااااااااااااااااااااااااااااااااااااااخ
حتى مسمينها في بيت هلي الصرناخه…هههههههه
الله يهدي عيالنا ويحفظهم من كل شر..
بس اقري عليها وايد…
الاذكار والمعوذات واية الكرسي…
والله يحفظها..