للتشجيع((من دعت في رمضان العام الماضي وأستجاب لها ربي دعائها))للجميع 2024.

أخواتي

الموضوع للتشجيع للجميع بدون إستثناء و تفاؤل بالخير العظيم في هذا الشهر الفضيل

من دعت في رمضان العام الماضي عام وأستجاب لها ربي دعائها أو تعرف أحد له قصه فتذكرها لنا

إذكروا لنا قصصكم فلكم الأجر العظيم فرباء قامت إحداهن وأجتهدت في رمضان هذي السنه وربي فرج عنها كربتها

أخواتي حتى لو شيء بيسط دعيت فيه وربي استجاب دعائك أذكريه لنا ولكم لأجر إن شاء الله ونجمعها في عمل خيري الكل يستفيد منه

تقبلوا فائق إحترامي و تحياتي

انا اول وحدة ارد عليج حمداللة اللة استجاب دعاءي كنت اول ما يأذن المغرب ادعي ربي ان اللة يرزقني بالحمل وأخلي اللي صايمين وياي يدعو لي والحمد اللة حملت

حبيت الموضوع
يلا جشعونننننننا
اتريا رد البقيه

أنا رمضان اللي طاف كنت دايم أدعي ربي بأنه يوفقني في دراستي الجامعية لأن كان باقيلي حوالي سنة وأتخرج و الحمدلله مرت بسلام و بلمح البصر و بكل سهولة و يسر… الحمدلله يا رب على هالنعمة العظيمة

رمضان اللي طاف كنت دوم ادعي بالحمل لاني اجهضت واتاخرت شوي

الحمدالله الحمدالله على العيد مايتني العاده وطلعت حامل واحين بنوتي بتكمل شهرين فديت روحها

ما اذكر بضبط بس كنت ادعي انه خالتي يرزقها بالذرية الصالحه
والحين ما شاء الله حامل وباقي شهر ولا شهرين تربي

ودائما ادعي انه الله يرزق كل محرومه بالذرية الصالحه عاجلاً غير آجل

الحمدلله رب العالمــــــــين …
رمضان عام 2024 …
كنت توني مخلصه وابا اتوظف معلمه …
كنت ادعي في القيام والحمدلله طلع تعيني بسرعه بعد العيد وماكنت متوقعه لانه تخرجت شهر 5 وتوظفت شهر 9 وامي دعت لي في الحرم بعد …
وبنفس الوقت دعيت حق بنت خالتي يرزقها ربي الزوج الصالح كان عمرها 32 سنه والحمدلله عرست سنه 2024 …وربيعتي بعد كانت توصيني ادعي لها تحمل والحمدلله عندها بنوته بتكمل سنه بعد كم شهر ….
انا لين اللحين مستمره في الدعاء عند السجود ووقت الفطور وعند السحور اصلي ركعتين وادعي واقرآ قرآن لين يأذن الفجر …
الله يتقبل منا صالح الاعمال …والدعاء جهاد ويباله صبر وعبادة حلوه …