لكسر الروتين .. عن تجربه
ملاحظه مهمه :-
فقط بس للى ازواجهم فرفوشين ويحبون الاشياء الجديده والحركات الحلوه ..
المطلوب إرتداءه :-
1 جلابيه مصريه شرات مالت (نانسى عجرم ) ياكثرها في المعارض لازم يكون فيها فتحه في الاطراف وقصيره شوي
2 ربطه مصريه للشعر مثل الحجاب متناسقه تحسلونها في نفس مكان الجلابيات للمصريات
3 خلخال للارجل يكون بصوت ،، وخاتم بعد للارجل لزوم الانوثه
4 بناقيل لليدين …يكونون ترس مو ذهب طبعا ,,, اكسسوار ..
5 وشى مهم جدا …. ترسه لبنان (علوج) في حلجج ..
6 مكياج ناعم .. وشعر بالرول اذا ماتبين طبعا ظفاير …
7 اكسسوار حلق دائري له صوت ..
____________
مائده الطعام
طبعا الحركه على العشاء …
وهو عباره عن عشاء مصري بحـــت ,,, مثال فول ، ورق عنب ، كوسه ، حمام محشى ، كشري .. الخ ..
____________
التوقيت
انتظري موعد وصول الزوج بالضبط ..
______
شغلى اغانى مصريه كانج يالسه في قهوه
عشان يوم يكون موجوده كل شى تتطلقينها برقصه خفيفه
__________________
اللهجه
تدربى على اللهجه المصريه … اول مايشوفج عند الباب قومى سويلج اي شغله كانج تنظيفين لا تنسين كل شوي خلج رافعه طرف من الاطراف الجلابيه دلاله على انج تنظفين من الخاطر وتعدلين .. شرات المصريات .. طبعا اكيد ببتشوفين تعليقه .. اطلقى الضحكه المصريه اللى تشوفينها في الافلام …
______
وخليه يجلس واحضري الماي بالملح الدافئ (سى سيد )
________
العشاء
حطيله الاكل المصري على الارض ….
صدقينى ….. بيستانس على هل الشى الجديد ..
انا سويتها عن نفسى استانس وتم يطالعنى من فوق لتحت يقولى من ويبتى هذا كله وضحك على قالى مااحسج حرمتى ,,متزوج وحده مصريه .. وانا يالسه امثل اللهجه من الخاطر .. بدون مارد على تعليقه .متقمصه الدور خخخخ .
بعض الافكار من كتاب افكار للمتزوجين
إن شاء الله الفكره تعيبكم
انتظر تعليقكم
مشكوره على الموضووووع الخطيييييير
عيل الريل شو بتكون ردة فعله
الله يعطيج العافية على الافكار الحلوة
يسلموووو
بعد عطينا أفكار يديده 
فكرة مبدعة أميرة
و كل ما أبدعت الوحدة بخيالها و بالأفكار بتفاجئ زووجها
الله يباركلك إن شاء الله و يجعله دائما يراعيكي و يهنيكي زي ما إنتي مهنياه