اليوم يايبتلكم لوك للي يبون يسوون فناتك تطلع ستايل بس في نفس الوقت مش اوفر هذا اللوك راد بقوة هذا الموسم مع انا جديييييييييييييييييم و كان دارج في الخمسينات و الستينات،،، و اتحلو فيه اشهر النجمات العربيات و العالميات ….
الأشهر عربيا هي طبعا السندريلا سعاد حسني
[IMG]
[/IMG]
و عالمياً :إدي سيدجويك Edie Sedwic و اوردري هيبورن
[IMG]
[/IMG]
[IMG]
[/IMG]
و حاليا شفناه على وايد مشاهير عربيا و عالميا مثل منى زكي ، هيفاء وهبي ، كريستينا أجويليرا و ريهانا
[IMG]
[/IMG]
و بعد شفته عند اكثر من ماكيير و ماركة ميكب من اشهرهم الماكيير اللبناني بسام فتوح اللي يشتغل مع ماركة كلارنس و يمكيج هيفا وهبي و امل حجازي و نجوى كرم وبعد شفته في اعلان ماركة ماك
[IMG]
[/IMG]
الحلو في هذا اللوك انه مرن و ترومين تسوينله اضافات على ذوقج في الألوان و في طريقة رسم الآيلاينر على حسب شكل عينج ، و ممكن تخلينه خفيف للنهار او تزيدين كثافة الألوان و تضيفينله لمعة صدفية او لؤلؤية و تخلينه للمناسبات و للي يحبون الميكب الدفوشي ممكن يلعبون في الألوان على راحتهم 
بس انا سويته اليوم يناسب السهرات بس انا عن نفسي احب اسويه انعم عن جيه و الألوان افتح بس غمجته هني عشان يبين واضح في التصوير
[IMG]
[/IMG]
كالعادة ابدي بتحضير العين للميكب بروتينج المعتاد ، الترطيب و الكونسيلر و الفاونديشن و اللوس باودر مثل الصورة رقم (1)، الخطوة رقم (2) بنحط بيس للشادو لأن هالنوع من الشادو لازم يكون ثابت عشان ما يسيح على بعضه و في نفس الوقت نبا شي يسهل علينا الدمج ، انا البارحة ماخذة بيس من لوريال و اقلام شادو كريمي من nyx , حبيت اجربهم اليوم
[IMG]
[/IMG]
الخطوات 3 و 4:
[IMG]
[/IMG]
في الخطوة الثالثة نرسم بالقلم الكريمي خط بين الجفنين الثابت و المتحرك و نترك الزوايا مفتوحة على الجوانب بالضبط مثل الصورة ، اما في الخطوة الرابعة نوزع آيشدو بودرة بنفس لون الكريم نحطه عليه بطريقة التربيت وبعدين ندمج اللون و نسحبه إلى خارج العين مع مراعاة ترك الزوايا مفتوحة ما نزل اللون على الجفن المتحرك
الخطوة الخامسة :
[IMG]
[/IMG]
نرسم الآيلاينر بهالطريقة او بأي طريقة ثانية تحبينها ممكن تختارين من الديزاينات اللي انا عارضتنها في الصور فوق ، المهم الخط يكون عريض و بالأسود الفاحم
الخطوة السادسة :
[IMG]
[/IMG]
هاي الحركة شفت ماكييرة تسويها مرة لما طبقت هذا اللوك في فورم اجنبي و حبيت اجربها على عيوني ، يمكن تكون الفكرة غريبة اذا شرحتها بشكل نظري بس بعد ما سويتها حسيت طلعت روعة و احلى من تركيب الرموش على الجفن السفلي ، الحركة هي اني ارسم رموش على الجفن السفلي بالآيلاينر مثل ما تشوفون في الصورة ان شاء الله يكون الوضوح كافي عشان يعطيكم فكرة ، اذا كنت متمكنة من الرسم بالآيلاينر و تحبين الفناتك جربي الحركة تطلع رووووعة و تعطي اتساع عجيب للعين و في النهاية خطي بقلم ابيض أو لؤلؤي داخل العين انا ما سويت هالشي لأن عيني صارلها كم يوم محسسة طشونه و خفت اجحلها من داخل ..
و الحين بما انج ما بتكحلين عينج بالاسود من داخل في هذا اللوك و الطريقة هاي تعطي اتساع كبير للعين بتحتاجين عدسات تكبر حدقة العين عشان ما يبين البؤبؤ اصغر بوايد من حجم العين انصحج بعدسات من النوع الكبير 14 مم انا لبست عدساتي اليديدة اللي وقعت في غرامها مؤخرا هههههه هاي العدسة فعلا تسوي شغل عجييييييييييييييييييييييييييييييب
اعرفكم على عدستي العجيبة
[IMG]
[/IMG]
[IMG]
[/IMG]
[IMG]
[/IMG]
[IMG]
[/IMG]
و بس خلصت ،،،،
يالله خبروني شو راااايكمـــ ؟؟؟؟
و دمتم سالمين ^_^
احب هاللوك واايد ودوومي اسوي الاي لاينر ..
بس هالشدو سويته مره وحده ومارديت اسويه يبالي ارد اسويه..
شجعتيني ..وتسلمييييين عالطرح المميز..
اول بادي اعتذر منج خربت الموضوع من غير قصد ..
هوب منيـّـه بس من لهفتيه و اعجابيــّـــه بستايلج و مكياجج ..
،
بالتالي ، حبيت اشكرج عـ اللوك لي يغرم ..
ما شا الله تبارك الرحمن روعــّـــــــه ..
و بغيت اتخبرج اشيه ماركة العدسه ؟؟
دخيلج لا تحبطيني و اتقوليلي من تايلند 
..
و احم لو ماعليج امر عنديـّـه طلـــب ،
نبا انشوف مكياجج اليومي ، بالتفصيل الممل …
من حيث الماركات لي تستخدمينها ؛
للترطيب و البيس و الفاونديشن الخ ..
،
و منج السموحه و العذر ..
عيونج حلوه
وشغلج حلو
وعدستج حلوه
وكله على بعضه حلو …ومايطلع من الحلو إلا الحلو ^ ^
..شو ماركة العدسه ومن وين؟؟؟
المشاركة الأصلية كتبت بواسطة Um 3baiD 
اول بادي اعتذر منج خربت الموضوع من غير قصد ..
هوب منيـّـه بس من لهفتيه و اعجابيــّـــه بستايلج و مكياجج ..
،
بالتالي ، حبيت اشكرج عـ اللوك لي يغرم ..
ما شا الله تبارك الرحمن روعــّـــــــه ..
و بغيت اتخبرج اشيه ماركة العدسه ؟؟
و احم لو ماعليج امر عنديـّـه طلـــب ،
نبا انشوف مكياجج اليومي ، بالتفصيل الممل …
من حيث الماركات لي تستخدمينها ؛
للترطيب و البيس و الفاونديشن الخ ..
،
و منج السموحه و العذر ..
عادي مسموحة و بالحل فديتج ما صار الا الخير ^_^
اسعدني رايج ، العدسة غناتي ماركة توتي سيركل من المنتدى من عند تاجرة اسمها ياسمينا
و ان شاء الله لي عودة قريبا مع روتيني اليومي انتي تامرين امر يا ام عبيد