ريلي وايد روماانسي و عاطفي ، بس انا عكسه تماما انا مب وايد عاطفيه و ما آخذ الأمور بجديه ..
احب الفرفشه و الضحك و السوالف دفشه شوي تقدرون تقولون ، بس هو عكسي هادي و رومانسي و وايد يسمعني كلام حلو بس انا أمل مرات ، و مرات يقولي خاطري تدلعيني ما اعرف شو أقوله احس كلام مستهلك …
و غير جي في عدنا تبادل أدوار …هو وايد يسأل عني و دوم يدور علي بس أنا وايد احب اطلع ويا ربيعاتي … عشان جي ما عندي وقت اكلمه دوم بحكم انه بعدنا مالجين …
و استغربت انه يعرف كل تفاصيلي … بس انا ما تهمني التفاصيل وايد .. و احس العاده هالشي يستوي العكس يعني الحرمه الي تعرف تفاصيل ريلها !! بس انا مادري ليش جي !!
الحمد الله هو يعتبرني محور حياته بس انا ما أقدر اعتبره المحور … حاولت بس ما قدرت
لاني احب حياتي و شغلي و هواياتي و مقتنعه انه الرجل يكون مكمل للحياه بس ما يكون كل شي
بنات هالشي مخلي ثغرات كبيره بيني و بين ريلي ..لانه هو دائما يحس اني مقصره وانا اشوف انه يبالغ شوي في اهتمامه و حرصه!
ابا اغير من شخصيتي و استوي رومانسيه و اعرف اهتم فيه لانه وايد يعاتبني … يا ليت تساعدوني
والله اسمحيلي الغاليه دشيت عرض وخربت موضوعج خخخخخ
.
مرااحب هلا والله بـ Dubai’s pearl
ماالج حس من فتره>>> كاانت متاابعه لج هع
المهم
يااختي حراام علييج ريلج كل بنت تتمنى شراته, رومانسي ويعرف تفاصيل حياتج
وانتي محور حيااته شو تبين اكثر من جي؟
لييت ريلي عنده نص ريلج><
اني ويي
رااعيه ودااريه وعاامليه شراته واحسن تراا بيرووح منج والرياال اذا ما حصل
اهتماام من مرته لو كاان يمووت فيهاا لازم يووم بيدور وحده تهتم فيه وتسمعه
الكلام اللي ما سمعه منج,, دري باالج ياختي الرياييل مالهم اماان..
ع قولة المثل يا مأمنه بالرجاال متل المي بالغربال >>ماادريبه صح ولا غلط المهم توصل المعلومه
وخااصه هالفتره انتوا بعااد عن بعض يعني ما تعرفين من يقابل ومن يكلم..
لك فتحيلي عينك هالأد سمعتي واهتمي فيه ..
الله يوفقج وييسر اموورج خيتوو^^ ..
.
.
لان دياما نردد (الرجل شريك للحياة وليس كل الحياة )
ويمكن بحكم انكم في فترة ملجة فتستصعبين هالشي
بس مع العشرة بتتعودين ع طبعه
فحاولي كثر ما تقدرين تعطينه ولو جزء بسيط من اهتمامج عسب لايمل منج
وتردين شباب هالايام بيموتون ع الكلمة الحلوة حتى لو من وحدة خسفة –^_^
فعادي دور له وحدة وتسمعه كلام اطيب من الشهد
فشو بتستفيدين ساعتها
والكلام بلاش كثري منه وتفنني له في الاسلوب
:
حطي فبالج انه مب ريلي وبتزوجه وبحبه وبيحبني !!
حطي فبالج انه شخص انتي مسؤولة عنه ,!!
هيه .. حسسي نفسج انج مسؤولة عنه
وحطي مكانج مكانه , يعني لو كنتي انتي اللي تدراينه وهو عاطنج طاف بتعصبين صح
يمكن الرياييل ما يقولوا وايد بس نحن بننط اذا هو سوابنا جييه
انا ماقول انه هالشي بيي بين يوم وليله , بس اقولج حطي فبالج" انا مسؤولة عنه شرا هو
مسؤول عني "
وان شاء الله بيي الحب وبيكبر بعد الزواج ^^
بس تراج حرمته الحيين لا تنسين , زوجته بالشرع^^
ربي يوفقكم ويفرحكم دنيا واخره ويبعد عن الحساااد
شوفي مشاكل القسم وصج بتحسين انه ريلج نعمة وربي يحبج ^^
غاليتي ^^
أنا ما اشوفج لا انتي غلط ولا هو ..
اختلاف في الشخصيـة مب ضروري يكون كارثي 
بس هذا مب معناته ان كل طرف منكم يكون أناني وما يحاول يتأقلم مع شخصيـة شريكه
ما في شي مستحيل أو ما تقدرين عليه
انتي ماشاء الله مبين انج انسانـة طموحـة وواثقـة من نفسها
فأكيد اي تغيير تبغينه في حياتج بتحققينه
حطي لج خطـة غاليتي لتكتسبي رومانسيـة أكثر ^_*
وابدئي خطوة خخطوة
أول شي ابدي ببوكي ورد يفاجأه
بعدين اهتمي أكثر في الأشياء المحبوبـة لقلبه
لمصلحتج قبل لا تكون لمصلحتـه
لإن لو هو مستانس في زواجكم ,, انتي بعد بتستانسين
شرات ما انتي الحين زعلانـة لإن هو زعلان
فحاولي غاليتي توصلين لخط وسط مب ضروري رومنسية مية بالمية
وانما خطوات لخط بالوسط تلتقون فيه مع بعض
يرضيج ويرضيه