كبرت وفهمت قصده انه بطريقه مباشره يبي يوصل لى نقطه انه لا تفرطين بعمرج محد يستاهل انج تتنازلين عن سمعتج….
يمكن كلامى بيكون مكرر والكل يعرفه لكن ما احصل اى خطوه ايجابيه او تغير
يا اختى يا غاليه ما تغارين على عمرج وانتى تطلعين ببف ما تحسين بفشله والشباب يطالعونج؟؟؟
والله انهم يطنزون عليج والله والله لو انهم معجبين فيج كانوا لحقوج لباب البيت وخطبوووووج والله
تخيلوا طلعت المول امس الا بنيه لابسه فستان احمر والروج والبف والعباه المفتوحه امى فديتها تطنز عليها تقول من الحين تحتفل بعيد الحب!!!!!
والله ثم والله جربي يوم تلبسين عباه مسكره وشيل ولا تطلعين شعره وحده ولا بف ولا ميك اب وشوفي كيف الشباب بيستحون يمرون عدالج لا تقولين انا حره وحريه شخصيه والبس حق عمري لانى احب عمري لا فديتج انتى تلبسين حق الشباب ولا تنكرين
تداومين!!! حلو بس مو معناه تدقينها سوالف مع الشباب اونه حريه ونحن في 2024 لا فديتج بعده الرجل الشرقي الخليجي ما تطور والله انه يرد البيت او الميلس عند الشباب ويتكلم عنج عندهم وبالاسم بعد لا تقولين شو دراج فديتج كلنا عندنا اخوان والكل يسولف….
قصص الحب والغرام ويحبنى وحب شريف وما اطلع وياه وما لمسني فديتج لو يحبج صج بيي يخطبج هذا هو الحب الشريف فديتج مع اول رفعت سماعه وكلمت الوو طحتى من عينه…واستحاله بيفكر فيج لو الموت وان تزوجتوا مصيركم الشك والعذاب والطلاق…
سؤال لكل بنت عندها ربيعه بويه ليش؟؟؟؟؟؟؟ ناقصه حنان؟ شو تبين منها ؟؟؟ترى القصد مفهوم ما تستحين والكل يشوفج بنظره غير محترمه؟؟؟
عفوا والله من الخجل بذكر هالنقطه لكل متزوجه تخون ريلها لا تقولون ما في والله فيه وقصص تشيب الرااااااااس ليش تخونين ليييش؟؟؟ شو ناقصج ريل وعندج شو تبين بعد؟؟؟
حججهم الواهيه ريلي ما يحس فيني ؟ريلي ما يصرف علي؟وريلي وريلي عييييب عيب
والمصيبه منهم يتعرفون على شباب اصغر عنهم وما يتعدون 16 و17 سنه ولا تصرف عليه بعد!!!
لكل وحده تشيش قدام الناس في المقاهي بالعباه والشيله شو تحسين؟؟؟ متطوره واااااو انج فري ونحن في 2024 والكل حاسدج؟؟؟؟؟
لكل الى تحط صورتها في البي بي وبعدين تصيييح انسرقت صوري ليش من الاول اصلا حطيتي صورج لا تقولين نص ويه ونص صدر ونص شعر في النهايه شعرج لا تقولين محد بيعرف انه انا لانى لاعبه في بالفوتو شوب الغاليه حررررام اى ريال يشوف صورج جي
لكل ولكل ولكل بصراحه تعبت….وللحديث بقيه
هذا المضحك المبكى في عالمناا
لاحول ولاقوة الا بالله
ديننا عززنا وعطانا قيمـة وقدر ما يتصور
وكل من تخلت عن الدين للأسف بتتخلى عن قيمتها ..
لإن في الأول والأخير رب العالمين غني ونحن الفقراء المحتاجين له ولبركتـه في حياتنا
ويستر عليهم دنيا واخره ..
تسلمين عزيزتي ع الطرح الهادف ^^