بنات هذي قصة وصلتني عبر الايميل وبما ان البنت من الامارات وحسيت من سطورها انها قصة حقيقية حبيت انقلها للمنتدى عضة وعبره – وحبيت اقوللكم هذي مش انا عشان ما تداخل الامور والبنات قامن ايطرشن لي على الخاص وينصحوني ههههه لا اطرشون شي على الخاص – حطوا النصايح على العام ….
القصة كما وصلتني على الايميل وحبيت انقله لكم
:: :: :: :: :: :: :: :: :: :: ::
القصة كما وصلتني على الايميل وحبيت انقله لكم
:: :: :: :: :: :: :: :: :: :: ::
القصة كما وصلتني على الايميل وحبيت انقله لكم
:: :: :: :: :: :: :: :: :: :: ::
ذئاب عايشين بينا يابنات – قصه حقيقة من واقع تجربة شخصية عام 2024 – لو ما العيب كنت ولله لشهرت بنفسي عشان بس اكون عبرة للغبيات الي مثلي …
إلى خواتي واخواني الغاليات حبيت اكتب تجربتي المريرة الي اتعرضت لها من قبل انسان مش بس جرحني لا ولله ذلني حسبي الله ونعم الوكيل – وراواني كم انا انسانه غبية بمعنى الكلمة – صدقوني يابنات اتحملوا من الذئاب البشرية الي بينا – يابنات قصتي من الاول …
انا بنت بيضا وعمري 27 ومن عائلة معروووفة في بوظبي ولين الحين ما عرست لان اهلي لهم شروط معينه – ولاسباب اخرى عائلية – في يوم من الايام – دخلت غرفة الشات عشان اسلي وقتي والكل يعرف شو الشات و بلاوية المهم – اني اتعرفت بعد التجوال على انسان رااائع بمعنى الكلمة انسان بسيط وطيب والكلام وياه جدا ممتع وتمينا نتكلم عن كل شي وفي كل المواضع والله يا بنات حسيت عمري ان اكلم دكتور وهو من ابوظبي من العاصمة وانا من بوظبي العاصمة – الي صار يا اخواني وخواتي اتطورت العلاقة بينا للموبايلات فقط و الحمدلله ما صار اكثر عن جي – ولله يا ناس كملت وياه سنة و ست شهورو عشت وياه احلى ايامي ووعدني بالزواج و كان مصر اني اكمل دراستي ياانااااس ما بتصدوقون الي صاررر كل ما اقوله ابا اشوفك ايطلعلي عذر طبعا كنت اتمنى اني اقابله و اشوف ها الانسان الي اتعلق قلبي فيه عذره دايما ابوي تعبان وامي تعبانه ومتلته بين المستشفيات وانا ولله ياناس على نياتي واصيح يوم اسمعه ايصيح صدق اني غبيه ويبالي ظرب على راسي … وبالنسبة للصور كان ايطرشلي صور ما اعرف ما اعرف كيف ياب ها الصور كلها على اساس انه هو
شكله حلو ابيض ووسيم وشعره اسود وعنده هوندا سودا
الي صار ياناس بين كل فترة وفترة ايقولي ابا عشرة الاف عشان يدفع للمستشقى وايحطهم تحت الحساب ويوم اساله كيف ليش ما تستخدم ثقة ايقولي انه بعدهم ما طلعهم لهم وانه ايراكظ وفي اوراق ناقصة لا تظحكون علي ولله متغصصة الف و أنا االغبية اصدقة ولله وقمت عطيته لين ما وصل الموضوع لين 70 الف درهم اماراتي
رجع لي عشرين الف بس الي خذاهم اكثر
فجاااااااااااااه يا ناس حولت له اخر عشرة الاف ولا قام يتصل ولا قام ايرد عليه انا هني يينيت ولله العظيم قلت الريال سوا حادث و انا ما ادري عنه ….ولا اعرف كيف اوصله قلت مالي غير ريال ايساعدني في دوامي بو محمد شرحت له الموضوع على اساس انه متسلف بس … واتصل على الريال وردددددددددد رد على الريال وانا الي صارلي ايام اتصل ما ايرد ؟؟؟؟ المهم هني انصدمت والي في دوامي بو محمد شك فيني قالي شو سالفتج ومن الصدمة قلت له الي صارلي وانا ميته من الحسرة على نفسي وقلت له بس عشرة الاف مافي غيرهن … قال ان في ناس يعرفهم في التحريات واكيد بيساعدوني .. خفت قلت اهلي لو دروا ولله ليذبحوني في مكاني على الي سويته في عمري … طمني الريال وقال لا اتخافين و المصييييييييييييييييبه الخبر الي يابله لي ياناس خبر هد حيلي ولله العظيم و كسر لي قلبي وياب لي خبر الريال وشفت صورته ولله لا ايحط عدوتي في مكاني ولله العظيم
الطامة الكبرى طلع من افريقيا – ارتيري – وعايش هني في الامارات وطلع ناصب على 5 بنات غيري وما قدرت التحريات تمسكه لنه ما كان في اي مستندات تثبت اني حولت له مبالغ ماليه
ادري قولو عني الي تبيونه بس الله ايخليكم انشروا القصة على قد ما تقدرون في كل مكان يا بنات انا عبرة ولله العظيم انا عبره – حسبي الله ونعم الوكيل – لين الحين ادفع اقساطي في البنك ومستحية من نفسي ومن ربي كيف لعبت في حالي بهذي الطريقة وبهدلت نفسي في عز شبابي
الله يهديهم
الحمدالله يوم يت على البيزاات شي وانتي ماصاابج شي .. والله يعوضج ببيزاتج
وان شاء الله تكون تجربه صحتج من الغفله .. وتكون عبره لغيره
والله يهدي الجمييع .. وييسر لج امورج ويرزقج بالزوج الصالح يارب
بس شو بتسوين
ويابنات اتعظو