اشحاااالكم من فتره كانت وحده حاطه موضوع اتقول البنات ايشوفون ريلها وهي تمشي معاه بخبركم اليوم سالفتي كنت رايحه اشرى وشفت ريال مع حرمته يشرون المهم اول مادخلت المركز كنت اشرا وبعدين لحقني الريال واشوفه بعيني يأشر للحرمه سيري اشري ع كيفج المهم رحت انا واختي صوب الاكسسوارات جان اي ويقولي اتفضلي الرقم عيب والله العظيم عيب مرتك وياك وانت اسوي جذيه قالي ماعليج منها شو ها قلتله عيب عليك ال قاعد اسوي عندك حرمه جان اخذ الرقم واطره جدام عينه انا وايد شفت جذيه الحين هاي 3 مره ايصيري ها الموقف 
هيه والله صدقج انا كذا مره صارلي نفس هالموقف يكون ويا حرمته ويطالع وحركات الله يهديهم ان شاء الله
وايد ريايييل جذي حشا حركات والحرمه تقول لاحول ولاقوه
المهم ترا هذا معناته انه الحرمه مب ماليه عينه ولا الريال ما بيطالع او بيرقم
الله يهديهم
صدق مايستحون على ويهم دومهم جذيه
مشكورات خواتي على مرووركم معاي الاني صدج اضايجت لمى وحده قالت البنات يطالعون ريلها شو انسوي دنيا
مي تو مرات عليه نفس هالمواقف حريمهم حذالهم وعيونهم علينا !! صدق ماشي حشمه
والقهر مره مطوع مبقق عيونه!! مطوع طل وين يبى !!
عافانا الله الله يستر على الجميع
شوهذا الناس اختربت خلاص
انزين يحشم حرمته على الاقل
استغفر الله من ها الاشكال