والله ما اعرف من وين ابدأ بس اعتقد انكم عرفتوا عن شو ابغي ارمس ،،
مشكلتي من بعد ما رجعت من شهر العسل
طبعا سافرنا 10 ايام و رجعنا و خلاني في البيت قاعده في بيت اهله
و بدأ طلعاااته
دووومه عند ربعه
يسهر ويااااهم
مرات ما يتغدا عشان يطلع الظهر
و لا يتعشى لأنه يرجع في الليل
رمسته وااايد بس مافيه فايده يقول تبين اتفرقيني من ربعي؟؟؟ طيب انا زوجتك و لك حق علي ،، ليش ما فكرت فيني ولا تعطيني حقي؟؟
اهله رمسوه مافي فايده
طبعا انا ما اشتكيت لأهله بس هم يشوفون طلعاته الكثيره
مع اني لاحظت عليه فترة الخطبه بس قالي انا ابي اطلع الحين لأني اعرف بعد ما اعرس ماراح اظهر مع ربعي الا يمكن احتمال بسيط بيكون كل اسبوع مره و ناااادرا
و كان يقولي كله بظهر وياج ،،،
الحين اترجااااه
مرات اطفر من البيت اتلوع جبدي قاعده في هالبيت و في هالجو خلاص الوحده تطفر اقوله طلعني والله يطنشني ولا يسوي لي سالفه يا اخي حرام عليك انا اشوف ربيعاتي و اشوف خواتي و اشوف خواته كل اسبوع نلتقي يرمسوني عن الفندق الفلاني و انا ساااااااااكته ليش شو فيني غير؟؟
مره قلت في خاطري يمكن ما عنده بيزات و قلت له انا خاطري في الفندق الفلاني و انا اللي عازمتك عليه والله و طنشني ،،
والله ان خاااطري ساعات اقعد وياه برع البيت لأني انا ساكنه في غرفه في بيتهم بس يوم اقوله ابي اقعد وياك و ارمسك يقول لي قولي اللي عندج اهني فالغرفه والله ما اقدر اتحمل خلاص كأن هو ماخذني عشان اقعد في البيت و احرسهم احس عيشه ما احد بيرضى عليها
انا مب عارفه اتصرف
صرت خلاص من اشوفه اتضارب وياه ولو فكر يطلعني لازم امه وياه ليش ليش ليييييييش؟؟؟
اذا في فترة الملجه كانت امي اتقولي اظهري وياه ابروحج و اقعدي وياه ابروحج و عمرها ما غلست فينا ابشي و دايما اتقول اسهروا برع لأنها هي اتشوف ان زوجي امقصر في طلعاته وياي ولا يزورني وايد فقالت اكيد يستحي منا فعشان جي قامت اتخلينا ابروحنا ،،، و الحين بعد ما اتزوجنا عمتي قامت تطلع معاانا لأي مكان بنرووحه ،،،
انا احبهم والله وايد و ابيها اتكون ويانا بس عاد مب جي
ابي احس اني استانس مع زوجي على الاقل اشويه
ارجوكم نصحوووني شو اسوي
ادعيله وان شالله مع الايام وبوجود العيال بيتغير ومرده لبيته ولحرمته ..
حاولي انتي بالسياسة ..حاولي تغيرينه ..
حاولي اذا طلع تقولي له انا مجهزة لك مفاجأة ..سويله حفلة ..او عالاقل هدية ..ولو بسيطة .كيك
جهزيله بانيو وفيه ورد ..
دوري فالنت من هالحركاااات وااااااااااااااايد بتلقين ..
بس انتي كل ما يطلع رسليله مسجات انه يد بسرعه وانه مشتاقه له .. واذا رد لا تعاتبينه ..سوي اللي تبينه من حفلة وغيره . او سوي له حفلة خاااااااصة كوني اخر شياكة .. رسليله مسج ..عندنا اليوم جلســة صراحة ولا تأخر
المهم انتي جهزي ليله حلوة ..يوم بيي قوليله كل اللي فخااطرج بدون صراخ او عصبية ..
بينيله انه حق ربعه حق ولج انتي حق ..قوليله الايام اللي يطلع عند ربعه والايام اللي لج ..قوليله خاطرج انتي تطلعين وياه تروحين تمشين وياه
وربي يسعدج
بس مب على حسااابج انتي
فديتج ادلعي له و تكشخي و دايما حسسيه انه بيحصل و بيشووف شي يديد يوم بيرجع البيت
لا تخلين ربعه ياخذونه منج لانج لو سكتي عنه هالشي بيخليه يتمادى اكثر
سوي عمرج زعلانه او لا ترمسينه و اذا سألج ليش زعلانه قوليله اللي في خاطرج بس بدون ضراابه و صريخ
يعني اكسري خاطره و نزلي دموووعج و طيحي في حظنه و اشتكي له 
و ربي يهديه ان شاء الله