عندي كم سؤال يدورن في رأسي وأباكم تساعدوني في الإجابه عليهن:
# ليش الريال يعرس على حرمته؟؟؟؟
بتقولولي إذا الحرمه مقصره في حق ريلها
بقولكم كل اللي أعرفهن وريالهن معرسين عليهن
من المتفانيات والمثاليات في كل شي في بيوتن
# ليش الرياييل ما يعرفون من الدين إلا الآيه الكريمه:"مثنى وثلاث ورباع"؟؟؟؟
# ليش الرياييل ما يعرفون شي أسمه العدل بين الزوجات؟؟؟؟
المشاركة الأصلية كتبت بواسطة كرز مرر 
حياك الله يا أختي
أنا ما لي اعتراض على الحلال والحرام
التعدد من الاسلام
أنا قصدي ليش مثلا الرياييل ما يعرسون على الوحده الملسونه أو القويه
يعني يتزوج و لا يروح في الحرام
و في حريم مقصراات
و في رجال يبون شي يستحون يطلبونه من بنت عمهم و لا بنت خالهم ( حرمته يعني )
فياخذله ثانيه من برا و لا مرات تكون مب لوكل عشان تكون جريئه اكثر
و في اللي ما يبا يجرح زوجته لانه يخاف عليها و يحبها و ما يبا يقولها انه فيج و فيج و انتي و انتي
فيتزوج لانها هي ما انتبهت من البدايه او يكون نبهها و ما اهتمت
و في و في و في
اما العدل
هذا الحرمه نفسها تقدر تخلي ريلها يعدل
بتصرفتها اللي ما تنفره منها و يخليه يشرد منها لثانيه
^_^
الله يهديهم بس
الحرمة القوية مايقدر يزوج عليها عشان يفكر يقول هاي بتاذيني والله حتى لو مقصره فحقه