شحالكن ان شاء الله بخير ^^
آممم انا ادرس في الجامعه واتعرف على بنات وجي
المهم بعض البنات علاقتي فيهم سطحية يعني في الكلاس اسلم عليهم وجي
وساعات اجوفهم برع او يطوفن جدامي مرات يسلموون ومرات ولاجنهم يعرفوني ..
آممم ف مادري ليش هالحركه هل العيب فيهم ولا فيني قمت اشك في عمري مع انه الحمدلله مب ناقصني شي ..وهالبنات علاقتي فيهم سطحية يعني مب وايد وياي سلام وسوالف بسيطة ..
حتى اني قمت اعاملهم بالمثل ومااسلم واسوي عمري ماعرفهم
ذكرتيني قبل نفس الموقف يستوي لي
صرت ادخل الكلاس اسلم واقعد وبرع امشي ولا اهتم بالرايح والراد
طنشي حبوبة يمكن من الحر مو قادرين يسلمون برع الكلاس خخخخخ
يعني مادري ع حسب المزاج ولا شو
تسلمين حبيبتي ع المرور
عطي الانسان 70 عذر .. يمكن تكون مضايجة ولا مب في المزاج ولا شي شاغل بالها
او سرحانه او مب منتبهة او مب مهتمة او مستعيلة
فلا تاخذين الشي بطريقة شخصية ومشي الموضوع
انا مرات اسلم ومرات ما اسلم على حسب وضعي
وانا احس في هالحالة ماشي حرج دام العلاقة سطحية وثاني شي يوميا في الجامعة انتي
واربيعاتج ..
لكن اذا كانت برع الجامعة وتعرفينها فلج الحق تضايجين ..
وحطي في بالج ان الابتسامة تكفي 
ربي يوفقج
اما بعضهم اكبررر طاااف زين لو ردو السلام اذا سلمتي خخخخخ
وتلقين تفكيرهم مثلج شايفين إنج إنتي تعاملينهم بسطحية فيعاملونج بالمثل
لو تبين هالشي يتغير بيدج إنتي ممكن تغيرنه ^^
فا بدل ما تسوين مثلهم وتسوين طاف كل ما شفيتهم صيري أحسن عنهم
وكل مرة تشوفين واحده برا الكلااس سلمي عليها بحرارة وسأليها شخبارها وكيف الدراسة
ومرة بعد مرة هم من نفسهم بيعاملون بنفس اللإسلوب
وبيسلمون عليج كل ما شافوج برا الكلااس وبيسولفون معاج لأنهم متوقعين هالشي منج
لو تبين الناس تغير معاملتها معاج لازم إنتي تغيرين معاملتج معاهم أول لأنهم بيعاملونج بالمثل
بالتوفيق إنشاء الله ^^