اذا كنت انا أخليها تتخمر نص ساعة ؟!!
انا متعودة أسوي معجنات وفطائر ويطلعوا روعة
بأي عجينة وأي مقادير أسويها بس لازم اخليها تتخمر نص ساعة الى 45 دقيقة
بس سمعت عن عجينة العشر دقائق انه نخلط مكونات المجموعة الاولى
وعقب 10 دقائق نضيف مكونات المجموعة الثانية ونعجن
وتستخدم على طول !!
وانا استخدمتها على طول وسويت بيتزا وحطيتها بالفرن
بس أتفشلت طلعت البتزا طحين , ما أتخمرت زين
يمكن لو خليتها نص ساعة كانت تتخمر
عيل ليش سموها العشر دقائق , وهي يبالها نص ساعة ؟!!
أبي اسألكم , في وحدة جربتها وأستخدمتها على طول وضبطت عندها ؟؟!!
لازم بفتره مجموعه اولى يكون ماي حار طشونه عشان تتخمر العجينه وتكون نوعيه خميرتج الفوريه
ويكون طحين رقم 1
تحطينه بمكان مب بارد ولازم تغطينها عشان تتخمر بسرعه
و بجي ب 10 دقايق بتشوفينها انتفخت و طلعت لفوق
انا ولا مره سمعت حد صار عنده جنه طحين شوفي ردود بهالموضوع كل يتشكر ام سعيد يوم نقلتها
https://forum.uaewomen.net/showthread.php?t=312806
بنزلج موضوع مب بس تشوفين مقادير انتبهي لقياس المستخدم بعد
المشاركة الأصلية كتبت بواسطة دبويه2007 
هذي عجينة العشر دقايق لانه واييد توصلني رسايل بسبب الصور هب
موجودة واتمنى انها تضبط وياكن سهلة وما تاخذ منج وقت ..
المقادير :
المجموعة الأولى : 2 كوب طحين , فنجان قهوة سكر , ذرة ملح ,
2 ملعقة أكل خميرة فورية , 2 ملعقة أكل حليب بودر ,
2 كوب ماء دافي .
هذي مقاديرالمجوعة الأولى والكوب المستخدم للقياس .
نخلط مقادير المجموعة الأولى مع بعض وتترك لمدة 10 دقايق .
هذا شكل العجينة بعد 10 دقايق .
بعد 10 دقايق ..
نضيف المجموعة الثانية : 3 أكواب طحين , نص كوب زيت على المجموعة الأولى .
وتعجن جيداً وتستخدم على طوووول وهذي عن تجربة .
المشاركة الأصلية كتبت بواسطة دبويه2007 نصيحة من تجاربي في هذة العجينة المعتمدة عندي تقريباً من سنتين
واللي ضبطت من أول مرة استخدميها على طوووووول .
وخذي اللي تبينة وغطي عليها وكل ما غطيتيها يتشوفين يزيد حجمها .
في هذي الصورة لاحظي كيف زاد حجمها عن قبل .
وبالعافية عليكم …
