شحال سيدات الامارات الراقيات
قال تعالى :
{ يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوّاً لَّكُمْ فَاحْذَرُوهُمْ }
دوم اسمع قصص مثلا ريال تزوج ع حرمته عسبت تييبله اولاد او ان معها بنات وولد ويبي اكثر
بنات بخبركن يعني الواحد شو يضمنه ان هالولد بيكون ولد بار لوالديه او ابن صالح
والله ياما يااامااا سمعنا شرات هالقصص ويابو عيال تمنوا ما يابوهم وفي اكيد الاخيار ..
والبعض يقول ليت عندي بس بنات هن الخير والبركه
اكيد كل وحده فيكن مرت بهالقصص او سمعت ..
انا ماقول الكل بس الانسان اللي ربه رزقه ببنات او مثلا ياب ولد واحد والباقي بنات يتحمد ربه شي ناس تتمنى العيال وما يفكرون بجنسه حتى ..
انا عن نفسي اتحمد ربي ليل نهار وماتفرق عندي وعند ريلي بنت او ولد واحد كله رحمه ورزق والله سبحانه وتعالى مقسم الارزاق لكل واحد فينا
والسلام عليكم
حتى البنات مافيهن خير مرات العكس
ومرات حتى الاولاد نفس الشي وربي فوق كل شي
والواحد يقول الحمدلله ع كل شي
لان الريال مسؤول عن خلفة البنات والاولاد بعد اذن الله ..
واذا يبي زياده ومصر على هالشي وحرمته ما تقدر اتيب اكثر يقدر يتزوج …
بس منو ها اللي يبي اكثر عن 7 او 6 عيال ما شاء الله كم بيتحمل ؟؟؟
هههه
وبعدين اللي يبى يتزوج بيحتج بانه يبي ولد ولا بنت ترى كله بيد الله بس عذر عشان محد يلوومه^^
الله يسعد الجميع يارب
المشاركة الأصلية كتبت بواسطة جوهره عمان 
حتى البنات مافيهن خير مرات العكس
ومرات حتى الاولاد نفس الشي وربي فوق كل شي
والواحد يقول الحمدلله ع كل شي
صحيح بس البنت مابيسير الريال يعرس عسبت يبا بنات
الكل عذره يبى الولد ^^