——————————————————————————–
السلام عليكم ورحمة الله وبركاته
رجعت لكم برغم اني سبق وكتبت لن اكتب تجاربي مره اخرى
لكن قليبي ماطاوعني .. فضيييييخ يحبكم
((دخون سري جدا ))
هذي طريقه لدخون الفم دخون دوسري درجه اولى بس يتاكل مايتبخر به
وهذي الطريقه انا شاطره مرررره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر
الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان
وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه
هذي الطريقه
تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله
وطبعا تنفع للكل .. ومكوناتها لها فوائد عظيمه
نبدا بالمكونات بالصور
1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي …او عادي
:::::::::::
تخلط جميع ماذكر بزبديه .. حتى تتجانس
وتحرك حتى تكوني قادره ع تكويرها اذا كانت العسل قليل باإمكانك وضع ملعقه عليه
وتكورينها بايدك مثل المعمول وتكون صغيره كثير.. وكل يوم خذي حبه
شوفي كيف انفاسك بتصير
دخوووووووووووووون
حتى عرقك بيصير
دخوووووووووووووون
:::::::::::::::::::::::::::::: ::::
اتمنى تعجبكم .. وتدعون لي بالخير
اسأل الله العظيم رب العرش الكريم أن يوفق كل من ترد ب كلمه طيبة بخير الدنياء والاخره
بخصوص المضغ او البلع نسيت اوضح هذي النقطه
وهي تمضغ وطعمها مو لاذع .. مثل حثل القهوه وبتتعودين عليها
منقوول
وجااااااااري التطبيق
بغيت استفسرعن المستكة وين اقدر الاقيها؟!