يوم الاحد-الثلاثاء 5-7 يوليو
كنت انا وريلي…وعيالنا الاربع ..و..لان عيالنا صغار اكبرهم 5سنوات..كانت ويانا الشغاله
كنا ناوين نحجز في فندق المنزل….وصلنا…فندق المنزل…نزل بو العيال عشان يشوف الغرف..قبل لايحجز….(لانه متعود مايحجز الا اذا شاف الغرفه….ذوقه صعب شوي..)
..حصلنا حجز..الغرفه ب600 لليله…بس ريلي الغرف ماعجبته….قال خلينا ندور شي احسن….
وصلنا صوب قمر الدين…وكمل على طول …وين رايح؟ رايح ذا ادرس ..يابابا غير بدل…قال الا احجزلكم فيه…
المهم….نزل بومنصور وماقصر حجزلنا غرفتين بريمير كلوب…في الكلوب فلور(8طوابق)..
خذنا .الطابق الثامن..تاور فيو(مطله على برج دبي…وبحيرة البرج والنوافير الراقصه…..)
الغرفه الوحده…=(1200درهم) ….لمدة ليلتين
طلعت علينا….مع الضرايب….والفطور…وغدا فالغرف..6400..درهم..و..الفين تامين عند الدخول
بصراحه….الغرف صدق..صدق…فخمه…ونظيفه…
لدرجة اني..قضيت يوم كامل فالغرفه ….ولاحسيت بالملل….وكانت بالفعل فرصه عشان يفجون اليهال عني….خليتهم في غرفتهم ويا الشغاله…
.
.نظام الكلوب وايد حلو للعائلات….لانه الغرفتين لهم مدخل واحد…..وبعدين كل غرفه لها بابها…..من اندش قفلنا الباب الكبير….وبجذيه نظمن انه اليهال حتى لوا طلعو من غرفتهم ….مايقدرون يطلعون برع…..
وايد هذربت بخليكم الحين ويا الصور…..بس للامانه مب واضحه لانها من كاميرا الفيديو…لاني ماكانت حاطه في بالي اصور….
التقرير بعد بيشمل ..زياتنا لمول دبي….والاكواريوم…والنافورات الراقصه….اتمنى انه تقريري يعجبكم
كثر ماستانسنا نحن فهالزياره…..
اخليكم مع الصور…واول صورتين من النت….نفس غرفتنا وغرفة اليهال طبق الاصل….عشان التوضيح….
غرفتنا…..
غرفة اليهال
تصويري …البايخ….
مثل ماتشوفون الحمام عزكم الله مفتوح على الغرفه…….من جهة البانيو….بس الشور والمرحاض…اخر شي ولها ابواب زجاجيه…تقدرون تسكرون الستاره ….بين الغرفه والحمام
يتبع
الحمامين فالغرفتين نفس الشي…..
اول ماندخل جدمنا المغاسل…واليمين بانيو يطل على الغرفه…..كرسي …جلد عريض…مقابل المغاسل….
لوحات فنيه واكسسوارات وتحف…..على الجدران…..
الشور والمرحاض يفصلهم جدار زجاجي وابوابهم زجاجيه…..
نظيفه وانيقه….
يتبع الحديقه ….
صور من النت للفندق والمطعم واللوبي>>>>>>>الصفحه الثالثه
في الصفحه الرابعه…….المسبح والمنطقه المحيطه بالفندق…..
يلا عقبال ما انزوره ….
وتسلمييييييييييين اختي عالتقرير .. وننتظر البقية ….
ان شاء الله ازوره قريب