يمكن يكووون الموووضووع تافه بالنسبة لبعضكم وتقوولون عاادي ما فييها شي بس انا بالنسبة لي كل سنة تتكرر
الموضووع وما فيييه الحمدلله الحمدلله انا بنت شاطرة ومتفوووقة في كل المواد
وعندي خبرة في الكمبيوتر والثنوية مادة الحاسووب اساسية عسب جي شدييت حيلي عسب اييب درجة عالية
والكل يعرف بعد انه صاارت المشاريع شي أساسي في الثنوية
بتقولولي ويين المشكلة ؟؟
الحييييييييييين بعرضلكم مشكلتي وقولولي رايكم
في آخر فترة المعلمة طلبت منااا مشرووع وما مدانا نسووي شي لأنه كنا مضغووطيييييييييين وااااااااااايد بالامتحااانااااات وكل امتحان اصعب من الثاني
ومع هذا حاولت أدووور أي شي بس عسب ما انقص 20 درجة ويطيرون ع الفاضي
ودينا مشرووعنا المعهد وخلصووه لنااا ويبت درجة حلوة في الحاسوب يعني 94 استانست عليييها يوم شفت الشهااادة
بس نيييي للقهر الحيييييين
انا تعبت وكنت أدوور عسب بس أييب للحاسووب ، ووحدة وافدة في صفي ما يابت المشرووع وهو علييه 20 درجة ويعطوونها درجة حلوة في هالمادة وفي التسعيينااات؟؟
بس لأنه المعلمة وافدة وهييه وافدة؟؟
وييين وصلنا نحن؟؟
ليييش هالظلم ؟؟
وبأي حق تعطييهااا الدرجة ؟؟
جاانها عطت باجي البنااات اللي ما سووون
ولا الوافدااات واسطة ؟؟
بنااات انا راضية باللي كتبه لي ربي بس والله فيني غصة
انا طلعت الثانية والسبة الحااسووووب
وانا مب حاقدة ع البنت بس مقهوورة من المعلمة الظالمة
يعني الحيييين لازم كل وحدة فينا تغييير جنسيتها وتصيير وافدة بس عسب يعطوونها درجاااات عالية ؟؟؟
ولييش المعلمة ما عطت باجي البنااات شمعنى الوافداات يسوون لهن قيمة وحشمة ويرفعن درجاااتهن ؟؟
وهالمشكلة كل سنة تتكرر لي وانا عفت الوافداات بهالسبة
بنااات قولولي الحييين لو كنتن فمكااني كييف بيكون احساسكن؟؟
ولو كنتي معلمة بتفرقييين بين بنت مواطنة وبنت وافدة ؟؟
الظلم بتحصلينه في كل مكان المهم انتي راضيه عن اللي تسوينه
والباقي في ذمتهم يعني شو بتسوين ولو اشتكيتي منو بيسمعج
شدي حيلج وارضي ضميرج واللي ذمته واسعه ربنا يحاسبه
وما شاء الله عليج الله يوفقج لا تخلي هالشي يحبطج بالعكس تشجعي واثبتي انج الاحسن
لو بس لنفسج واهلج وماعليج من حد
الله يوفقج
ولو كنت مدرسة طبعا ما بفرق وصدقيني لو هدتيهم باستوديو 1 بيخافون كلهم
انا مخلصه من الثانويه قريب ماكملت 4 سنين يمكن
وهالمشكله صارت لي وانا اختج .. نحن نظام مدرستنا كان شوي بريطاني
يعني متطور وفيه مشاريع وجيه
وكانت عندنا وحده مصريه .. ومس الساينس مصريه ومس الكومبيوتر بعد مصريه
تخيلي المشروع ذيج الايام كان عليه 40 علامه
انا يبت مشروع مضبط وماعليه كلام وقالو يمكن يخلونه يشارك فمسابقه المنقطه ..
والخوات المصريات عندنا فالصف ما سون شي وعطتهن 35 من 40 وانا الي تعبت عطوني 37 بس
رحت عند المديره وقلتلها اباج تروحين عند مس الساينس والكمبيوتر وتقوليلهم وين مشاريع هالبنات
وعلى اي اساس حطيتي 35 من 40
وبالفعل راحت وانا زقرت امايه واستوت مشكله ..
وفالاخير خذيت حقي والمس ادبوها وتهزأت
سيري عند المديره مالتكم ورمسيها ..
قوليلها ليييييش جيه
وبس .. واذا ما خذت حقج هذيج الساعه من حقج تسوين اي شي ..
لان المديره دايما تقول اذا انا ما خذت لكم حقكم سوو الي تبونه
والسموووحه
بس والله ظلم ولو اشتكييت للإدارة خووفي ما يسمعووني
أهلييي معصبييين ع الآخر وقالولي اذا المعلمة ما تفاهمت بيوون الادارة
اللي ابا اعرفه لييش هالتفرقة العنصرية؟؟
انا الحمدلله شادة حيلي كثر ما اقدر
مع اني مرضت اياام الامتحانات بس الحمدلله درجاتي عالية
بس لييش اباا افهم؟؟؟ تعبت
الشكوى لغير الله مذلة
وبالنسبه لمشكلتج انتي … لو كنت مكانج كنت بروح علطول للناظرة وأخبرها على سب يشوفو حل لهذه المشكلة .
وعلى فكرة حبيبتي مشكلتج هذه موجودة في كل مكان بس ل الأسف بناتنا ساكتات أو الإدارات ما تتصرف .
وانا لوكنت معلمة بعطي كل صاحب حق حقه حتى لوكانت وافدة.
وأسأل الله العلي القدير أن ينصف المظلومين ……………………واحتراماتي