صراحة مب عارفة شو اقول بس مالقيت غيركم افضفض له
انا الحين قاعدة وحاطة غرشة كلوريكس جدامي وحابة صراحة اشربها
.gif "12 (49)")
بتقولون هذي ايش فيها مب صاحية؟
بس انا بصراحة صاحية ومع سبق الاصرار و الترصد
بتقولون ليش شو سالفة ؟حرام
بقول حتى لو حرام خلاص قررت
جهنم داخلتنها داخلتنها مافي مجال.gif "12 (25)")
بتقولون استعيذي من الشيطان
زين انا الشيطان بنفسه مب ناقصني شيطان
بتقولون ليش؟
انا بقولكم ليش
من شوي اصبحنا واصبح الملك لله تعالى
متخانقة ويا امي
بتقولون ليش؟
لان عندي مشكلة صراحة تعبتني ومب قادرة اخبرها لحد خبرتها لطبيب النفسي بس ماستفدت
شي ويوم حسيت اليوم بالوقت المناسب خبرت امي
راحت قامت ضرابه بيني وبينها
ومن كثر الزعل قلت لها لو خبرت حد بهذه المشكلة لا انتي امي ولا تعرفيني.gif "12 (78)")
بس طبعا استغفر الله العلي العظيم انا ماقصدي بس ثرت لاني تعبانة نفسيا من المشكلة وامي ماتفهمت الموضوع
بعدين صرت انا وهي نتخانق وصارت تتهمني اني تكلمت عليها وعلى اهلها !!!
رغم اني ماقلت اي شي عنهم بس يوم ذكرت ان جارتنا عدالنا بالجدار يمكن تسمع قلت مالي علاقة بها
بعدين قالت انتي تكلمتي على هلي وحشمي نفسك عن الناس !!!!
وقالت لي انك مافي خير و ماتتقربين مني يعني متكبرة وانتي ماتستهليني
زين يمكن هي معها حق
انا وحيدة امي ومن انا صغيرة مب متعودة اتقرب من الناس
وحساسة كثير واشك اذا اقتربت من اي حد حتى امي! يعني احب الناس تسلم علي وتبادر مب انا
وهي مب متفهمه هذا الشي ابدا وتقول اني انا السبب ومافي خير ابدا!
رغم اني احاول اغير من نفسي دوم
فمن ساعتها مثل عوايدي يوم اتخانق مع حد مغطيه نفسي
واصيح
واخرها يوم حسيت بالذنب صرت مب متحملة خلاص
لي اكثر من 11 سنة اعاني ومافي حد فاهمني وماعندي حد اكلمة افضفض له او يساعدني
وكل صديقاتي تركني ويهمهن نفوسهن خاصة كان لي صديقة كنت كثير قريبه منها بس يوم صرت اشكي لها سوت نفسها انها هي احسن وتهتم باهلها وبنفسها وبس مب مثلي وقالت لي في وجهي!
زين انا وحيدة امي وماعندي حد افضفض له في البيت غيرها واصارخ مرات عليها
وافضفض لها بس هي ماتتفهمني ابدا
بس تقول انتي مافيك خير ولا لزم
زين انا فعلا مافيه خير ولا لزم من المشاكل النفسية
وكلها من التربية مب بس مني انا
زين شو اسوي شورو علي
والله اني انتحر ارحم لي من كل هذا
صراحة ماريد حد حوالي خلاص حتى امي
اعرف ان الكلام هذا حرام واحاسب عليه بس خلاص طفرت
وطبعي مب قادرة اغيره لي اكثر من 11 سنة احاول ومافي فايدة
زين شو اسوي
وامي فضلها اذكره دائما قدام الناس وفي المنتدى
بس تثور اعصابي عشان نفسيتي تعبانه وهي ماتساعدني بهذا الموضوع
زين شو اسوي
اعرف اني داخله داخله جهنم بس
عشان جي ماصار شي يهمني حتى لو انتحر كله واحد
لاني مرات اقول ان لو الله رزقني بام تتفهمني اكثر ماكان كل هذا صار في
صح هي صرفت علي ودرستني بس ماحاسه نفسي مثل البنات في اشياء كثيرة
هي تخليني براحتي وبروحي بس عمرها ماتتقرب مني من انا وصغيره
وماتخليني اصاحب حد يعني الحين
كبرت وتخرجت وللحين ماعندي صديقات من نفس مستواي ونوعي
ودوم كنت محبوسة في البيت
حتى في وحده من صديقاتي زمان كانت تمسيني ماساة
بس هي ماتقصر علي
زين انا الحين شو اسوي بهذه المصيبة!
وعلى فكرة هي دوم تعايرني اني مب مثل بنات الناس مشاكلي عودة
رغم اني كل مشاكلي اني حساسة او دلع
ما عمري راكضت وراء رجال
وهي تتهمني اني سبيت اهلها رغم اني ماقالت شي! وهذا شي عجيب جداً بغض النظر عن الاشياء الثانية
يا حبيبتي استهدي بالله وصلى على الحبيب صلى الله عليه وسلم وخليج متفائله نفس اسمج
ليش يا اختي يا حبيبتي تقولين انا داخله جهنم !! وين البنوته المؤمنه وين الاسلام وين التفاؤل
يا حبيبتي كل شي يي بالدعااااااااء والكلمه الطيبه صح
خلي الخطوة الاولى منج اضغطي على نفسج وتقربي من امج الي محد يحبج كثرها يا اختي
حاولي مره واثنين وثلاث وعشرررررررر — هاي امج حبيبتي
ولا تخلين الشيطان يفوز وينتصر عليج وانا اعرف انج ما بتخلينه بفضل الله
انتي بنت مسلمه مؤمنه
استغفري واقري قران صلي قيام الليل يا حبيبتي
اذا عندج مشكله وشايفتها كبيره يا حبيبتي من لج غير ربج الي احن عليج من امج وابوج واقرب لج من حبل الوريد
صلي صيحي اشكيله كلميه ربج يسمع لج فكل وقت وهو ادري منج بنفسج
مهما كانت مشكلتج كبيره ربي بيفرجها يا اختي وشوفي بلاوي الناي بتهون عليج مشكلتج صح كلامي حبيبتي
حبيبنا وشفيعنا صلى الله عليه وسلم قال تفائلوا بالخير تجــــــــــــــــدووووه
وتذكري يا حلوة ان الي الله سبحانه وتعالى يحبه يبتليه لانه سبحانه يبغي يسمع صوت عبده وهو يدعيله شو تبين اكثر من جي بعد ها قوليلي يا حظج يا بختج يا هناج دام ربج مشتاااااااااااااق يسمع صوتج وانتي تدعين يا اختي
الله يفرج همج ويهديج ويهدي امج الغاليه ويرزقج بزيارات لمكه اممممممممين
ولو تبين تفضفضين انا حاضره يا اختي
الغاليه مشكلتج انج تفكرين دوم بالسلبيات فقط
سلبيات امج سلبيات صديقاتج و دوم خايفه تغلطين
و يوم تتعاملين مع الناس لاول مره قلبج ينبظ لانج عازله نفسج عن المجتمع
عزيزتي لازم تتعودين على التعامل مع الناس
حاولي تفكرين بالاشياء الحلوه فيهم بمميزاتهم قبل سلبياتهم
قبل لا تقولين كلمه فكري بردة فعل الشخص اللي امامج كيف سيستقبل كلامج حطي نفسج مكانه
اذا شعرتي ان الكلمه ستسبب ردة فعل عنيفه اكتميها بداخلك لان لو طلعت ستسبب لج المشاكل انتي في غنا عنها
لسانك حصانك ان صنته صانك
حاولي تشعرين بالرضى عن نفسج اولا و عن تصرفاتج
اذا قمتي بأي فعل راجعي نفسج فيه و انتقديها و حاولي ما تكررين الاخطاء و تستفيدين منها
و يوم تحطين راسج عالمخده و قبل لا تنامين كوني راضيه عن نفسج
كللمي امج و اطلبي منها السماح هي تسوي جي لان خايفه عليج و الكبار ما يتحملون الزعل و يأثر على صحتهم
و انتي قلتي مالج غيرها سيري و حاولي تقبل اعتذارج و امسكي اعصايج جدامها و اذا عصبت تحملي
اعرف الواحد ونفسيته تعبانه ما يتحمل بس شيلي وساوس الشيطان من راسج
و كل واحد فينا يمر بمرحله من حياته تكون نفسيته مدمره
بس يوم تمر هالمرحله يحمد ربه ان ما استمع للشيطان فيها ولا كان دمر حياته بايده
و الايمان بقضاء الله و قدره يريح القلب
عليج بالصلاه و قراءة القرآن بتشعرين بالراحه النفسيه
و اكررها
الرضى و الايمان بالقضاء و القدر
الله يزيح عنج الغمه و يهديج لما فيه الخير
مششكلتج جــدا بسيــطه ..يالغاليه تقربي الى الله عز وجــل
فوالذي رفـع السماء بلاعمـــد لا يحلها الا هــو جل جلاله
..وبتتغــير نفسيتـج للافضل ..باذن الله
بالنسبه لكلامج
[[جهنم داخلتنها داخلتنها مافي مجال]]
الله المستعان يا اختي الغاليه مايصير تقولين جذيه الله يجيرنا منها والجميع استغفرالله
اقرئي قول الله عز وجـل
[[قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم
وقوله تعالى :[[ولا تيأسوا من روح الله اٍنه لا ييأس من روح الله اٍلا القوم الكافرون]]]]
في النهايه اسال الله ان لا يواخذك بالكلام اللي قلتيه ..
وربي يعيــنج ويفتحها عليــج
واستغفرالله لي ولك وللمسلمين جميعا …
صلــو على المبعوثـ رحمة للــعالــمين