أول شيء شككر حبيبتي لولييش على تسليف النك
سيدات الإمارات والإدارة المحترمة ليش كل هالتعقيد في تفعيل العضوية والتأخير ؟ لو اني مقدمه على قرض قدهم موافقين والفلوس في حسابي
المهم بنات انا بدخل في مشككلتيه على طول بدون مقدمات بدون ما أطول او أتفلسف
انا وحده عمري الحين 21 سنة ولين يومكن ماعندي شهادة ثنوية !!
انا خربططت دراستيه تقريباً على اخر ثالث إعدادي وبغصب مشييت اول سنة في الثنوية وعقب قطعت الدراسة سنة
ورديت السنة اللي عقبها بضرابة مع الوالد والوالدة وكملت دراستيه لين 3 ثنوي في 3 ثنوي كملت تقريباً لين 3 فصل
وعقبها قدر الله عليه ومررضت وطافني امتحانات الفصل الثالث وحتى الإعادة مع اني كنت ممتحنه سيبا وعلمتيه كانت
واااايد اوكييه ونسبتيه كانت 75٪ وكنت مخلصه كل اوراقي على اساس اني بدخل الجامعه طبعاً هذا كله غصبن عني
لاني ما أريد ازعل هليه عليه .. المهم مثل ماقلت مرضت وراااحت عليه السنة ويوم يت بقدم قالولي انتي ماينفع لازم تروحين
التنمية الإسرية او الجمعية طبعاً هم كبروني سنة ومشوا اوراقي ودخلت بنات انا امايه هي اللي تراكض بإوراقي وتسير وترد
وانا يالسه في البيت والمكيف يهف عليه ! اداوم عشان اسكتهم وانا ما احس اني ابا اداوم ولا احس عندي ميول ولا عندي طموح
يعني اذا بداوم بلتزم اول اسبوع ولا اسبوعين وخلاف قللعتهم ! دراسة مااااققدددر إدرس ! احفظ ما أقدر احفظ ! فهم انسوا اني افهم !
انا حتى التقارير والمشاريع اللي عادي تنجحني اتعايز اسويهم ! مستحيل افتح الكتاب ! ما احب اتعب عمريه ابداً !
ولا اقدر اشوف عمري مستقبلاً شو ؟ او شو ابا او شو ميولي واللي اباه ؟ يعني اغلب الوقت اقول عاااااااادي بيتنا ابرك عن اي شيء
حجره وعندي ولابتوب عندي وكل اللي اباه عندي شو ابا زود ؟ ماشي ناقصني ؟ بس فجأه تضربني ضيجه 
وايلس الوم بعمري
انا عيال عمي واللي هم شباب كملوا دراستهم ودخلوا جامعات بعد ماكانوا افشل الناس ! وانا بعدني ! ربيعاتي اللي واصلت 3 سنه في الكلية واللي .. واللي وانا في مكاني
انا مب عارفه شو اللي اباه ! والله اني استحي اذا حد قارني مع اختيه يقولون طاعي فلانه درست وفلانه اشتغلت وفلانه خذت وسوت
وانتي يالسه في البيت حتى شهاده ثنويه ماعندج !
بنت ععمي اللي وقفت لانها عرست وعندها عيال وهذي كملت ونجحت وانا بعدني -ـ-
انا صدددق ضاايعه ولا اعرف شو مشكلته ! والله مايهون عمري جيه يضيع وانا في مكاني
بنات اللي بتساعدني والله اني ما بنسى لها جميلها طول العمر ! بس حد يخبرني انا شو فيه ؟
ليش اشوف البنات كلهن يتكلمن عن شهادتهن وشغلهن وشو بيسون وانا غير عنهن او عكسهن ؟
اذا عزمت اسوي شيء مستحيل اكمله ؟ 
انا خلاص اللي اشوفه ان هليه غسلوا ايدهم مني ! لاني ماقد عطيتهم كلمه وكنت قدها !
حتى ختيه من تسمعني اتكلم عن المستقبل تضحك وتقولي انتي دراستج الحين مرتين تركضين وتسرحين امايه
وتسير وترد وماسويتي شيء ؟ يعني حتى ختيه غسلت ايدها مني ! 
انا صدق مليييت من هالحال الكل صار مايتوقع مني اي انجاز وان قلت بسوي يضحكون او يسكتون 
بنات بشو تنصحوني ؟ شو الحل مع نفسي ؟؟
الكل يتجدم الإ انا وراا !
اختي اول شي واظبي عالاذكار واقري المعوذات دوووم ولازم تنشين تصلين صلاه الفجر الصبح صدقيني بترتاحين
وكثري من الاستغفار …. ويمكن تعالجين عمرج اذا انتي محسودة او من هالقبيل …………
نصيحة لج ::
الدنيا تمشي وتدور والايام تركض والعمر يسري بتندمين قد شعر راسج اذا ماكملتي ارفسي الوساوس والشيطان اللي براسج
والكسل … ترى الرسول عليه الصلاه والسلام كان يتعوذ يوميا من الكسل ,,,الكسل مرض اختيه وبيسببلج امراض
انتي في غنى عنها … شوفي النسبة اللي انتي يابتنها مب شوية وهذا لو في زيادة من الجهد والمتابعة بتيبين اكثر
ليش ماتفكرين وتقولين بنفسج انا شاطرة وخليني انفع نفسي واكمل وانفع بلادي يمكن تتحول الدجات الى علامات قوية ويمكن انتي تنفعين جيل بذكائج او تخترعين شي يفيد الدولة اشغلي وقتج وانجزي شي لحياتج
ادرسي تخصص حلو مفيد واشتغلي وكوني نفسج ترا اليلسة تييب المشاكل والضييق ادرسي حلو الدراسة بالجامعة
تكوني صداقات وتتغير شخصيتج وتتعلمين حياه ثانية والشغل بعد حلو منه تجمعين للمستقبل وتسوين عمل خاص فيج
تنمين هوايتج او اي شغلة حابة تسوينها … احمدي ربج يا اختي انه في مجال تدخلين الجامعه وفيه من يراكض وراااج
اعرف وحده تراكض ورا اهلها سنين ومب رايمة تدخل الجامعة ولار اضيين يصرفون عليها ويخلونها تدرس
انتي بنعمة بس مب حاسة احمدي ربج لين نهار ..ترى الحجرة واللاب توب مب مكمل لشخصية الانسان الحياه
محتاجة انج تطلعين وتاخذين خبرة منها وتتعلمين وتفيدين غيرج
ربي يوفقج ونسمع عنج اخبار حلوة وانج تكملين ومستقبلااااا تكونين مديرة او رئيسة قسم ………ان شاء الله
اختي والله ثم والله ثم والله مالج عزوة الا شهادتج انتي ما تعرفين شو الله يكتب لج عقب
مشكلتج لها عدة جوانب :
الاول: حاولي تعالجين نفسج بالقران لان ربما انتي مصابه بالعين او حسد ماثر عليج وانتي ما تدرين
الثاني: نفسج محتاجة لذاتج …يعني انتي ساندي عمرج واوقفي وقولي مش مهم اني اتاخر لكن المهم اني اوصل …قولي لكل جواد كبوة واجتهدي
الرقاد والاكل ويلسه البيت لاحقه عليها وبتشبعين …حبي الحياه اقسم لج اذا ذقتي طعم النجاح مره بتسعين انج تذوقينه الف مره
ثالثا: ابتعدي عن الناس والاشخاص اللي يحبطونج او يحاولون يكسرون من نفسج
رابعا :كوني حازمة مع نفسج وحددي اهداف لحياتج …حطي هدفج الاول اخلص الثانوية والتحق بالجامعه ..عقب ما تحققين هالهدف كافئي ذاتج
بس نصيحة مني لج ….لا تتركين عزوتج وسندج الشهادة وابذلي جهدج وقولي انا اقدر اسوي وانجح واتفوق
والله يوفقج يا اختي ويسعدج
بس انتي توك صغيره
بس يمكن مرتاحه في بيتك هلك ومب حاسه بالدنيا والمشاكل الي صايره
بس اختي
على الاقل حركي نفسك عشان تاخذين شهاده الثانوية
هي عند الكل وشي اساسي باي مكان
دشي الفرع الي تحبينه ادبي او علمي
وبعدين دوري شغل بسيط
شوفي عمرك
اذا مشيتي اوكي يمكن تدخلين جامعة او كليه
شوفي شو تحبين اكثر شي وفكري تتخصين فيه
يمكن الله يهديكي وبتصيرين احسن
موووفقة