ونلبس الي نباه
وانحصل قياساتنا يوم نبا نشتري فستان او بنطلون غاوي
عشان جي …
انا قررت اني…
اتبع نظام غذائي صحي..
والي تبا تبدا ويايي تكتب وزنها الحالي والوزن الي تبا توصل اله
من تاريخ 732008 الى 2132008
انا ببدأ الحين :
وزني الحالي 69
الوزن المطلوب 55
الرجيم الي بتبعه يبته من منتدى واحسه اناسبني وايد
وبيخليني استمر فيه طول عمري كبدايه للنظام الصحي
( ما كتبت رجيم لاني اكره شي اسمه رجيم)
والنظام الغذائي الي بتبعه لمدة اسبوعين(يعني اكرره في الاسبوع الثاني
) هو :
الريوق: غرشة ماي صغيره +جبن او بيضتين مع سلايس أبيض او اسمر
الجمعه:
الغداء: غرشة ماي صغيره + ربع صدر دجاج مشوية او سمك مشوي أو لحم مشوي + سلطة ( خيار وخس وطمام وجرجير)
العشاء: غرشة ماي صغيره + روب بدون دسم + برتقال بأي كمية.
السبت:
الغداء: غرشة ماي صغيره + ربع صدر دجاج مشوية او مسلوق او سمك مشوي أو لحم + سلطة ( خيار وخس وطمام وجرجيروفجل ابيض)
العشاء: غرشة ماي صغيره + علبة تونة صغيرة مصفية من الزيت + برتقال
الأحد:
الغداء : غرشة ماي صغيره + ربع صدر دجاج مشوية او سمك مشوي أو لحم مشوي وخيار فقط + شوربة خضار.
العشاء: غرشة ماي صغيره + روب خالي الدسم+ شوربة خضار.
الأثنين:
الغدا: غرشة ماي صغيره + ربع صدر دجاج مشوية او سمك مشوي أو لحم مشوي _شوربة خضار_عصير برتقال.
العشاء: غرشة ماي صغيره + روب خالي الدسم + شوربة خضار+ برتقال.
الثلاثاء:
الغداء : غرشة ماي صغيره + ربع صدر دجاج مشوية او سمك مشوي أو لحم مشوي + سلطة.
العشاء: غرشة ماي صغيره + جبنه + شوربة خضار+ ربع خبز اسمر.
الاربعاء:
الغدا: غرشة ماي صغيره + ربع صدر دجاج مشوية او سمك مشوي أو لحم مشوي + طماطم + برتقالة.
العشاء: غرشة ماي صغيره + خليط من الفواكه (برتقال -تفاح_كيوي-فراولة-خوخ-يوسفي(
الثلاثاء:
الغدا: غرشة ماي صغيره + ربع صدر دجاج مشوية او سمك مشوي أو لحم مشوي + طماطم + شوربة خضار + 1برتقالة
العشاء: غرشة ماي صغيره + ربع دجاجة مسلوق او مشوي-طماطم +1برتقالة
بالاضافه الى اني بديت في شرب اعشاب التنحيف وبقولكم عن طريقتي فيها :
اغلي ماي بمقدار دله صغيره في ابريق
وبعد ما يغلى الماي اطفي النار واضيف للابريق كميات متساويه من هذي الاعشاب:
شاي اخضر يمني ( ماركة كدوس )+بابونج+ مرميه + اكليل الجبل + كمون + زنجبيل طازج + نعناع اخضر
واخليهم نصف ساعه وبعدين( اشخل الاعشاب ) يعني اصب الماي مال الاعشاب في الدله بدون الاعشاب ..
واخلي الدله عدالي واشرب منها كوب قبل كل وجبه بنص ساعه
بين الوجبات اذا حسيت بيوع باكل خياره او تفاحه
يالله شدو الهمه ونبا اراده قويه انه ما انخرب هذا النظام الغذائي لانه سهل ومريح ما يحتاي للتخريب
يالله انا ببدأ من اليوم ( الجمعه )
الرجيم وايد حلوو بسابا اعرف كم بتنزلين عليه يعني في اسبوعين؟؟
وانا مستعده اتم وياج اشجعج ع الاقل اسبوع بس اعرفكم نزلتي وبعدين ببدا معاااااج
لاني ماروم اتبع نضام ماعرف كم ينزل وانا الحين اتبع نضام ويوم بيخلص بابدا وياااج
هاه شوقلتي؟؟
انا ببدأ وياااااااااااااااج اليوم الجمعه ان شاء الله وبيكون اول يوم لي
وزني 85
اباه ايصير 70 كيلو
وان شاء الله نضعف ونستوي رشيقات لول
أنا وزني 73 واباه يستوي 63 يعني على حسب الطول
واخر الاسبوع خبرونا كم نزلتن يابنات