ماليزيا ـ كوالا لامبور 2024.

هلا حبيباتي اريد منكم مساعده يلي راوحوا ماليزيا لان اختي هناك وتريد تتسوق وين الاماكن للتسوق وشو تيب معاها وشو اكثر الاماكن للتسوق وشو تشتري وشو هي الاشياء يلي تشتريها والكريمات والصوابين يلي تاخذها ارجو منكم الرد سريعا

مولات كوالالمبور عندها:
بيبي بلازا: فيه محل اسم باركسون في بدل وبجايم لليهال تجنن اسم ماركة البجايم MINI COLORS
بافليون: فيه محل اسينو للكفرات يجنن أبد ما يتفوت
ك أل بلازا
لوتن: فيه محل اسينو للكفرات يجنن أبد ما يتفوت
تايم سكوير

وهذيلا كلهم في شارع العرب اللي فيه فندق الماريوت

وفي بعد:
ون أوتاما
ميدفيلي (ميجا مول): فيه محل اسينو للكفرات يجنن أبد ما يتفوت
سوجو (خليها تروح الطابق الأخير ملابس الأطفال فيه تجنن، وفي بعد طابق للكفرات والفوط)
ك إل سي سي (التوين تاور)

بالنسبة للكريمات خليها تاخذ من بودي شوب أسعاره أرخص من عندنا
وبعد ما تفوت صيديلة واتسون WATSON بتلقاها في كل ومول وكل مكان وبتحصل فيها سليبرات تجنن وبعد عندهم ميلك باث من منتجات جونسون وااااااااااايد حلو لازم دايما ناخذ منه يوم نروح ماليزيا، وبعد عندهم منتجات ديزني للأطفال بودره وشامبو وشاور جل،،أنا الصراحه أخذلي من البودره مالات مولان حقي لأنه ريحتها تجنن، وبعد بتحصل في هالصيدلية مناديل معطره ومنظفه لليد من منتجات واتسون..
وفي صيديلة ثانية بعد بتحصل فيها أشياء حلوه اسمها جاردينيا بس واتسون أحلى