ماما و المصروف الشهري فرض عين علي حتى لو ماعندي شو اسوي 2024.

حطيت هالمضوع في التنميه البشريه عقب حذفته .. يطمشون هناكي وبس وصلت جريب 100 مشاهده و لا حد عطاني حل .. قلت بيلكم يا السنعات بتعطوني الحل او بتنصحوني .. بليز متوهقه

مرحبا بنات اخباركم

انا شهريا اعطي مبلغ لماما وبابا وخواتي
هالشهر انا فقرانه دافعه مخالافاتي و سويت بيمه فل للسياره و دافعه خط فوني المقطوع و مخالفه الهويه … بالاخير مبلغ وقدره ..

احينا لو قلت حق ماما ماعندي هالشهر اعطيكم بتعصب علي .. ماما مشكلتها ماديه وايد ..
مع ان ماعليهم قصيرا .. يعني بابا الحمدالله لا مديون و لا انه يبني بيت و لا فقير الحمدالله و خواتي يعطيهم ساعات بالالاف وتوه مرجعهم من تايلاند محملات باغراض الدنيا .. وماما الله يهديها ماعرف كيف
من يومين مو راقده احس كله افكر كيف بخبرها .. واااي مصيبه ..

خاصه ان هي تحسيج ان هالمبلغ فرض عين عليج ..
هالفتره وايد عندي مصاريف خاااصه فيني و احس ما اقدر اعطيهم مثل قبل .. ماعرف كيف اخبرها … بتلعن خيري .. اكيد بعطيهم مبلغ كل شهر بس مو نفس قبل ..

بابا موول ما يقول شي .. عادي بس استحي منه لازم اعطي ..

ماعرف كيف اخبرها وووواي راسي بينفجر…

قبل ماكان عندي مصاريف كنت اعطيهم عادي ما احس بلووود ابدا .. احينا احس جني مديونه غصب لازم اوفر لهم هالمبلغ شهريا .. حتى قبل يوم يخلص رصيدهم يتصلون فيني كل مره اطرش لهم رصيد ..عادي في يوم كم مره خخخخخخخ بس زودوها خخخخ فخبرت ماما قتلها بطرش لكم رصيد عادي بس موب كل شويه و لا كل يوم .. عصبت اونه تذلينا و لا تتمنين علينا ..
جوفوا كيف موقفها كان حااد جدا

فخبروني كيف اتصرف ..

و ما اقدر اخذ من ريلي لان هو يصرف ع البيت و الايجار و كل شي وبعد دافع مخالفاته هالشهر وياي بعد مبلغ و هو يعطي امه وابوه مبلغ بس مو كبير يعني شي يقدر عليه لو في اشد التزمات ..

الغريبه ان ماما ما تطلب من الاولاد .. مع انهم موب متزوجين وساكنين فالبيت .. وسفرات وروحات وطلعات .. بس انا واختب الثانيه لازم لازن ..

بيني وبينكم صار موقف مره خلاني اخاف اعطي امي بيزات

بداية ما داومت كنت اعطيها كل شهر المبلغ الي اقدر عليه وهي مب من النوع الي يصرف اصلا
الا اذا تبا تاخذ بطايق رصيد .. واي شي ثاني تباه للعيد او عرس او اي شي نحن ناخذ لها

المهم اذا صار وعصبت علي لاي سبب من الاسباب وابدااا ما يخصه هالسبب في موضوع الصرف والبيزات تيمع الي عطيتها اياه وتفره في ويهي هههههههههههههههه

بصراحه هالحركه عقدتني وصرت اخاف اعطيها يمكن كملت فوق الخمس او ست سنوات ما عطيتها واذا فكرت اخش البيزات في شنطتها ولا اخبرها انها مني هههههههه

المهم بخصوص مشكلتج افتحي وياها الموضوع وخبريها انج خلصتي امور كانت عالقه عندج وان حاليا ما عندج بيزات وع اول الشهر بتعطينها … كوني صريحه ولا اتخشين عنها الصدق .. حتا اذا زعلت اهم شي ما جذبتي

مشكلتج غريبه بس نصيحتي حاولي ما تجمعين التزاماتج مثلا شهر دفعي فاتوره التليفون والشهر الثاني المخالفات والشهر الثالث الهويه

والا اشتركي في جمعيه ويوم بتستلمينها سوي كل هالاشياء مره وحده

وبخصوص امج حاولي تحلين الموضوع ويا ابوج

والا قولي حق ابوج ابغي سلف مبلغ وعطييه امج ورجعي المبلغ بالاقساط علئ ابوج

اخذيها باللين وخففي من الزيارة
واذا تحسين انج ما تقدرين تجمعين دخلي جمعيات ولما بتسألج استسمحي منها انه عندج جمعية ومن تطلع عطيها شي حلو عن كذا شهر
حاولي ترتبي امورج