ما آكل إالا وجبه وحده .وما ضعفت 2024.

مرحبا بنات….انا ما اكل الا وجبة الغداء..قبل وقت العصر…هي غداء وهي عشاء…واشرب شاي مرة بالدوام ومرة بعد صلاة العشاء بس ما ضعفت

اش اسبب؟؟؟

ما شاء الله عليج شكل تركيبه جسمج غييير ..
أنا لو ودرت وجبـه وحده بس في يوم بينزل وزني على طول

الحمدلله على كل حال ..

تركيبة وزنج لا غير ولا شي
حبيبتي انتي الي تسوينه غلط !
مستحيل ينزل بهالطريقه تدرين ليش؟
لأن معدتج تعودتج على هالنظام فصارت تتمسك بالوجبة هاذي لأن عقلج الباطني عارف ان مافي غيرها ..
انا خبرتي في الرجيمات لو اقولج مابخلص .. الصح انج تاكلين 3 وجبات في اليوم
بقولج على نظامي انا كنت احسب اذا حرمت نفسي بنزل ولا نزلت ولا شي

نظامي هو الصبح كورن فليكس بر مع حليل منزوع الدسم
والغدا اي شي مشوي مع سلطة
والعشا نفس الريوق او شوربة او روب مع خيارة
واذا يعت من بينهم فواكة … طبعا العشا 7 وبعدها مافي رقدي من وقت
والحمدلله وزني ينزل مع ان صعب نزوله ..
باقليلي بس 10 كيلو وبوصل للوزن المثالي بإذن الله
باتوفيج حبوبه واي سؤال آمرينا

هالطريقه غلط الغاليه لان جسمج بيتعود ع هالوجبه
انا اكل وجباتي الثلاث بس ما اكثر وبين الوجبات كنت اكل فواكه
ونزلت الكيلوات كلها اللي زدتها بالحمل

تعود جسمج على انه ما في غير هالوجبه وبالتالي ما بيحرق ..
اكلي بس بنظام .. والبنات ما بيقصرون وياج ^.^

اختي الي تسويينه غلط ومستحييل تضعفين جي
لان الجسم محتااج الاكل عشان يشبع وعشان يحرق اذا انتي ماتاكلين الا وجبه وحده معناتها ان
الجسم مايحرق شي ومابتضعفيين وله غررااام وهذا كلام من عند دكتوور

لاتتبعيين رجيم وله شي بس امتنعي عن العيش واكلي مشاوي دووم وخففي الاكل
وان شاء الله جي بتضعفيين