ما اعرف شووه اسوي . مدرسه الامارات الوطنيه 2024.

السلام عليكم ورحمه الله وبركاته …

انا مدخله بناتي في مدرسه الامارات الوطنيه وهذي اول سنه حقهن وحده في الصف الاول الابتدائي والثانيه روضه ثانيه وكلهن يعانن من الانجليزي مش فاهمات شي
وخاصه بنتيي الكبيره وايد تشتكي من الانجليزي انها مش فاهمه شي …. يعني المدرسه تتكلم بالنجليزي …. وبنت اتقول وايد التيجر تتكلم وانا ما اعرف شووه يالسه اتقول بس انا يالسه اسمعها
وبناتي دارسات في مدرسه جمعيه المراه الظبيانيه

ياعزيزتي انتي لازم تقوي بنتك بالانكليزي جيبيلها مدرسة خصوصي اذا بتقدري لانهم بالمدارس بيطلبو من المعلمة انها تحكي بالانكليزي كل الوقت انا مثلا بدي درس بروضة تجربة كام يوم وطلبو مني اني احكي بالانكليزي بكل المواد وبكل وقت

مشكوره يالغاليه على الرد

ان شاء الله بيتعودون …. في البداية بيحسون بصعوبة و بعدين بيتعودون ولا تردين عليهم لأن اليهال لازم يحنون عشان ما يسيرون المدرسة ، وبعدين الأطفال يتعلمون بسرعة و تعليمهم يكون أسهل و المس تكون معاهم تقريبا من 5 الى 6 ساعات في اليوم يعني لازم بيتعودون على هالوضع …. لا تنسين في ناس وايد تعلموا الانجليزي على كبر وخاصة اللي ساروا يدرسون في الخارج و يلسوا مع عائلات أجنبية يعني البيئة كلها تغيرت عليهم ومع ذلك ما شاء الله عليهم خلصوا و لغتهم جدا ممتازة ……… اصبري عليهم و ان شاء الله بتتحسن لغتهم و بيتعودون

عادي اصبري عليهم لنهاية العام ………وشوفي النتيجة
بس المعلمات اجانب

الغالية انا بنتي ..في الافاق النموذجية …والمدرية مواطنة بس كله اتتكلم انكليزي…وياهم ما شي عربي في الحصة ومع الوقت البنت تعودت ..والحمد الله ماشي الحال وياها

عادي اختي لا تشيلين هم
انا بنت اختي في مدرسه الامارات الوطنيه ومدرستها ما تعرف كلمه عربي كله انجش

وحليلها الحين قاعده تتعلم الالوان بالانجلش ……..وان شاء الله بيتعودون