والله من كثرما مستحية من السالفه استحيت اسأل حرييم أخواني أو خواتي أو حتى أقرب شخص لي فحياتي وهي أمي … حتى ريلي مب قادرة أخبرك لأني اخاف يدروا وايزيغون علي …
خواتي أنا من فترة اتييني نفس النغزات أو طعنات السجين فصدري واحس واحد منهن أكبر عن الثاني مع انه ما كان فيني هالشي … حاسة أن معاي سرطان فالثدي ووالله والله أني أخاف يطلع هالشي …
بس أبا اعرف إذا أي وحدة فيكن تعرف دكتورة خاصة فادبي أو الشارجه ممتازة ؟؟
وفي موضوع ثاني بس أحس ممنوع اعرضه عالمنتدى …تعرفون بنات وايد فالمنتدى وأخاف أقول ..الموضوع ايخص المتزوجات فقط ؟؟ سؤال مخجل اشوي ؟؟ يعني عادي اسأل عالعام وإلا لا ؟؟
سمحوني طولت عليكن
سيري راجعي اي دكتورة نساء … انا امي سوت فحص سرطان الثدي في مستشفى البراحه والحمدالله
والله يكفيج شرالسرطان
وعشان السؤال الثاني ممكن تسالين على العام وإذا فيه احراج سأليني في الخاص
ترا كلنا خوات ولا تستحين منى
مب زيين اتفاولين على رووحج إن شاء الله خير وخوزي عنج هالوسواس
وإن شاء الله البنات ايفيدونج لإنه ما عندي فكره
والله يشفيج وما يطلع فيج شي حبوبه 
روحي راجعي دكتورة
بفرب فرصه وانشاءالله يكون
شي بسيط لا تحاتين واذكري الله
وربج كريم والله يبعد عن الشر يارب
بس انا الي اعرفه لازم في صدر اكبر بشوي عن الثاني
والنغزات احتمال غازات لان حتى الغازات تسوي وايد اشياء
وثانيا لا سمح الله اذا في شئ بتكون تقريبا مثل كسرة في الصدر
والافضل يا أختي ما تهملين نفسج سيري خلي الدكتورة تفحص لج على الصدر
هالأمور الواحد ما يسكت عنها ويهملها
الله يطمّن قلبج ويعافيج